Göyçayda avtomobil qəzası zamanı ölən və xəsarət alan şəxslərin adları məlum olub.
Modern.az APA-ya istinadən xəbər verir ki, Bığır kənd xəstəxanasının qarşısında iki "VAZ 21011" markalı minik avtomobili toqquşub.
Hadisə nəticəsində sürücülərdən biri 1963-cü il təvəllüdlü Bulud Abışov aldığı ağır xəsarətlər səbəbindən dünyasını dəyişib.
1994-cü il təvəllüdlü Xəyal Məmmədov, 1993-cü il təvəllüdlü Tapdıq Azakov, 1983-cü il təvəllüdlü Şamo Nəbiyev isə ağır bədən xəsarətləri alaraq Göyçay rayon Mərkəzi Xəstəxanasının Reanimasiya və Travmatologiya şöbələrinə yerləşdirilib.
Yol qəzası ilə bağlı istintaq araşdırmaları aparılır.
