2020-ci ildə yeni doğulmuş körpələrə ən çox verilən adlar açıqlanıb.
Ədliyyə Nazirliyindən Modern.az-ın sorğusuna cavab olaraq bildirilib ki, yeni doğulan oğlan uşaqlarınaYusif, Əli, Hüseyn, Ömər, Uğur, Məhəmməd, Murad, Ayxan, Tunar və İbrahim adı verilib.
Qız uşaqlarına isə Zəhra, Nuray, Zeynəb, Məryəm, Aylin, Fatimə, Mələk, Dəniz, Ayan və Mədinə kimi adların verilməsi üstünlük təşkil edib. Rəsmi məlumata görə, hazırda ilk beşlikdə oğlan uşaqlarına Yusif, Əli, Hüseyn, Ömər və Uğur, qız uşaqlarına isə Zəhra, Nuray, Zeynəb, Məryəm, Aylin və Fatimə kimi adların verilməsi yer alır.
