“Azərbaycan koronavirusa qarşı mübarizə çərçivəsində testlərinin sayını sürətlə artırır. Nə qədər çox test keçirilirsə, bu, bir o qədər yaxşıdır”.
Modern.az-ın məlumatına görə, bunu REACT-C19 layihəsinin təqdimatında ÜST-ün Azərbaycan Nümayəndəliyinin rəhbəri Hande Harmancı deyib.
H.Harmancı qeyd edib ki, hazırda Azərbaycanda 18 laboratoriya var:
“İki ay ərzində laboratoriyaların sayı 2-dən 18-ə çatdırılıb. Testlərin sayı ilə bərabər keyfiyyətinin artması üçün bu sahədə monitorinqlərin aparılması da önəmlidir. Testlərin nəticəsinin neqativ və ya pozitiv çıxmasında, onun harada keçirilməsinin də önəmi böyükdür”.
