“Azərbaycanda xüsusi karantin rejimindən mərhələli çıxış planı Ümumdünya Səhiyyə Təşkilatının (ÜST) tövsiyələrinə uyğun hazırlanır. Amma arxayınlaşaq və tətbiq edilən tədbirləri azaltmaq tezdir”.
Modern.az-ın məlumatına görə, ÜST-ün Azərbaycandakı nümayəndəsi Hande Harmancı bildirib.
H.Harmancı qeyd edib ki, bir müddət pandemiyadan əvvəlki vəziyyətə geri qayıda bilməyəcəyik:
“Evdə qalmaq və sosial məsafəni gözləmək lazımdır. Azərbaycan hökuməti mayın 5-dən etibarən xüsusi karantin rejiminin yumşaldılmasının üzərində çalışır. Biz də əlimizdən gələn qədəri ilə dəstək olmağa çalışırıq”.
O, Azərbaycan xalqına təşəkkür edib:
“Təşəkkür edirəm ki, çətin dövrdə hökumətə dəstək olur, tövsiyələrə əməl edir. İndi bizim daha çox həmrəy olmağa ehtiyacımız var”.
