Son günlər bəzi dərmanların qıtlığı yaranıb.
Modern.az-ın məlumatına görə, bunu Nazirlər Kabineti yanında Operativ Qərargahın brifinqində "Tibbi Ərazi Bölmələrini İdarəetmə Birliyi"nin (TƏBİB) Xəstəliklərin profilaktikası və kontrolu şöbəsinin müdiri Yaqut Qarayeva deyib.
Y.Qarayeva deyib ki, TƏBİB olaraq xəstəxanaları bütün dərmanlarla təmin edirlər:
"Apteklər üçün dərman təminatı bizim öhdəliyimizdə olmasa da, sahibkarlara bunun üçün müraciət etmişik".
O əlavə edib ki, epidemioloji vəziyyət yaxşı olmadığı halda vətəndaşları müxtəlif kənd və rayonlara buraxmaq olmaz:
"TƏBİB olaraq xaricdən gələn vətəndaşların karantində qalmasını və zəruri müalicəsi aparıldıqdan sonra evə buraxılmasını təmin edirik".
