Dünya şöhrətli fransız aktyor Jan-Pol Belmondo vəfat edib.
Moden.az xəbər verir ki, bu barədə Fransa mətbuatı məlumat yayıb.
Aktyor 88 yaşında dünyasını dəyişib.
1933-cu ildə Parisdə dünyaya gələn aktyor 1957-ci ildə ilk filminə çəkilib. Ona məşhurluğu isə Jan-Lyuk Qodarın “Son nəfəsdə” filmi gətirib. Bundan sonra bir çox macəra və komediya filmlərində yer alan aktyor ümumilkdə 81-dən çox filmdə oynaıyb.
O, ən yaxşı kişi roluna görə 1989-cu ildə “Sezar” mükafatı laureatına, 2011-ci ildə "Qızıl Palma budağı" mükaftına, 2016-cı ildə isə "Qızıl şir" mükafatına layiq görülüb. Fəxri Legion ordeninin komandoru olub.
