Azərbaycan tayboksçusu Leyana Sayer Kazanda keçirilən birinci MDB Oyunlarında gümüş medal qazanıb.
Modern.az xəbər verir ki, yarışda 51 kiloqram çəki dərəcəsində çıxış edən qadın tayboksçumuz finalda belaruslu Albina Posoxla qarşılaşıb. Həlledici mərhələdə rəqibinə məğlub olan idmançımız yarışı ikinci pillədə başa vurub.
Bununla da Azərbaycan komandası birinci MDB Oyunlarında qazandığı medalların sayını 37-yə çatdırıb. Medallardan 11-i qızıl, 7-si gümüş, 19-u bürüncdür.
