Gürcüstanda yerli özünüidarəetmə orqanlarına keçirilən seçkilər üzrə səsvermə başa çatıb.
Modern.az xəbər verir ki, yerli vaxtla saat 20:00-da seçki məntəqələri bağlanıb.
Seçki komissiyalarının üzvləri məntəqələrdə səsləri saymağa başlayıb. Proses başa çatdırılandan sonra yekun protokollar imzalanaraq ölkənin Mərkəzi Seçki Komissiyasına (MSK) göndəriləcək.
MSK kifayət qədər protokol əldə edəndən sonra ilkin nəticələri dərc etməyə başlayacaq.
