Rusiya Müdafiə Nazirliyinin rəsmi nümayəndəsi İqor Konaşenkov Xarkov vilayətində Ukrayna ordusunun 302-ci zenit-raket polkunun “təslim olduğunu” və “silahı könüllü yerə qoyduğunu” bildirib.
Modern.az xarici KİV-ə istinadən xəbər verir ki, İqor Konaşenkovun sözlərinə görə, həmin polkun sərəncamında “Buk M-1” zenit-raket kompleksləri olub.
O bildirib ki, polkun 71 hərbi qulluqçusu saxlanılıb.
“Bütün ukraynalı hərbi qulluqçulara hörmət göstərilir və kömək edilir. Sənədlərin rəsmiləşdirilməsindən sonra onlar öz ailələrinə göndəriləcəklər”,- Konaşenkov bildirib.
Konaşenkovun açıqladığı məlumat Ukrayna tərəfindən hələlik təsdiq olunmayıb.
