Rusiya Ordusunun Qostomel hava limanına endirdiyi aviazərbələr nəticəsində AN-225 “Mriya” təyyarəsi yanıb.
Modern.az xəbər verir ki, bu barədə Ukrayna Dövlət Rabitə Agentliyi məlumat yayıb.
Qeyd olunub ki, təyyarənin bərpasına 3 milyard dollardan çox vəsait lazım olacaq və çox vaxt aparacaq. Təxmini hesablamalara görə, təyyarənin bərpasına təxminən 5 il vaxt lazım olacaq.
Hadisə ilə bağlı Ukraynanın xarici işlər naziri Dmitro Kuleba özünün tvitter hesabında paylaşım edib:
“Bu, dünyanın ən böyük təyyarəsi olan AN-225 “Mriya” (Ukrayna dilində “Arzu") idi. Rusiya bizim “Mriya”mızı məhv edə bilər. Amma onlar heç vaxt bizim güclü, azad və demokratik Avropa dövləti arzumuzu məhv edə bilməyəcəklər. Biz qalib gələcəyik!”.
