Ukrayna Prezidenti Volodimir Zelenskinin hərəkətlərini respondentlərin 90%-dən çoxu dəstəkləyir.
Modern.az xəbər verir ki, bu, Ukraynanın Reytinq Sosioloji Qrupunun 26-27 fevral 2022-ci il tarixlərində keçirdiyi sorğunun nəticələrində qeyd olunub.
Sorğunun nəticələrinə görə, ukraynalıların 91%-i Prezident Zelenskinin hərəkətlərini dəstəkləyir, onlardan 59%-i ölkə başçısını ürəkdən, 32%-i daha çox dəstəkləyir. Dəstəkləməyənlər 6%, cavab verməkdə çətinlik çəkənlər 3% olub.
Reytinq qrupu qeyd edir ki, 2021-ci ilin dekabrından Ukrayna prezidentinə dəstək üç dəfə artıb.
Ölkənin bütün bölgələrində Zelenskiyə son dərəcə yüksək səviyyədə dəstək var: Qərbdə və Mərkəzdə 90%-dən çox, Şərqdə və Cənubda 80%-dən çox.
Akif İsmayılov
