Ukrayna müqavimətinin miqyası və gücü Rusiyanı təəccübləndirməkdə davam edir. Ruslar bu cür müqavimət gözləmirdilər. İndi özləri də etiraf edirlər.
Modern.az xəbər verir ki, bu barədə Britaniya Müdafiə Nazirliyinin kəşfiyyat xidmətinin yaydığı məlumatda bildirilir.
Qeyd edilib ki, Rusiya Xarkov, Çerniqov və Mariupolu hədəf alıb: “Rusiya qüvvələrinin irəliləmə sürətini yavaşlatmaq üçün onun təchizat xətləri hədəfə alınır. Rusiyanın hazırkı itkiləri minimuma endirmək üçün yanacaq daşıyan maşınları adi dəstək maşınları kimi gizlətməyə cəhd etməsi real ehtimaldır".
