Sumqayıt şəhər Təhsil Şöbəsinin müdiri vəzifəsi hələ də boşdur. Təhsil Nazirliyinin mətbuat xidmətinin rəhbəri Bayram Hüseynzadə Modern.az saytına açıqlamasında bildirib ki, o vəzifəyə hələlik heç kim təyin edilməyib.
“Konkret təyinat yoxdur. Bununla bağlı Sumqayıt şəhər İcra Hakimiyyətinin və Təhsil Nazirliyinin birgə təqdimatı olmalıdır. Bundan sonra isə həmin vəzifəyə təyinat olur” - deyə B.Hüseynzadə vurğulayıb.
Qeyd edək ki, bir müddət öncə Sumqayıt şəhər Təhsil Şöbəsinin keçmiş müdiri Mahal Əliyev vəzifəsindən səhhəti ilə əlaqədar istefa vermişdi.
Aytən ƏLİYEVA
