Azərbaycanın titullu sərbəst güləşçisi Hacı Əliyev Serbiyanın paytaxtı Belqradda keçirilən dünya çempionatında finala yüksələ bilməyib.
Modern.az xəbər verir ki, 65 kq çəki dərəcəsində çıxış edən 3 qat dünya və 3 qat Avropa çempionu yarımfinalda Rəhman Amuzadxəliliyə (İran) uduzub.
Hacı Əliyev sabah bürünc medal uğrunda qarşılaşmaya qatılacaq.
61 kq-dakı İslam Bazarqanov və 92 kq-dakı Maqomedxan Maqomedov rəqibləri finala çıxdığı üçün təsəlliverici görüşdə iştirak edəcək.
Bu gün həmçinin 92 kq-dakı Osman Nurməhəmmədov bürünc medal uğrunda qarşılaşmada Radoslav Marçinkieviç (Polşa) ilə üz-üzə gələcək.
