"Son zamanlar VPN-lərin nə dərəcədə təhlükəsiz olduğu haqda suallar alırıq. Biz bir çox hücumları birinci səviyyəli provayderlər vasitəsilə ölkə sərhədlərində bloklayırıq".
Modern.az xəbər verir ki, bunu jurnalistlərə açıqlamasında Xüsusi Rabitə və İnformasiya Təhlükəsizliyi Dövlət Xidmətinin idarə rəisi Tural Məmmədov deyib.
"Bloklanan linkləri açmaq üçün VPN-dən istifadə zamanı ölkədən birbaşa xarici serverlərə qoşulursunuz. Nəticədə bloklanmağın effektivliyi olmur və daha asan formada yoluxma ehtimalınız artır. Yəni bu baxımdan bu təhlükəsizliyə xüsusi diqqət etmək lazımdır", - qurum rəsmisi bildirib.
