Kiyevə atılan raketlərdən biri Vladimirskaya küçəsinə düşüb.
Modern.az xəbər verir ki, bu barədə Ukrayna daxili işlər nazirinin müşaviri Anton Geraşenko bildirib.
Ukrayna Təhlükəsizlik Xidmətinin ofisi həmin küçədədir. Bundan əlavə, Prezident Volodimir Zelenskinin ofisi də raket düşən ərazinin yaxınlığında yerləşir.
***
Ukraynanın paytaxtı Kiyevdə güclü partlayışlar olub.
Modern.az xəbər verir ki, bu barədə Ukrayna mətbuatı məlumat yayıb.
Bildirilib ki, bu gün səhər saatlarında Kiyevdə partlayış səsləri eşidilib. Hadisənin detalları hələlik məlum deyil. Ölən və xəsarət alanlar barədə məlumat verilməyib.
