"Biz hələ də PKK-nı terror təşkilatı kimi tanımamışıq".
Modern.az xəbər verir ki, bunu Milli Məclisin bu gün keçirilən iclasında deputat Sabir Rüstəmxanlı bildirib.
"Düzdür, bununla bağlı Prezidentin münasibəti var. Amma hələ də qanunvericilik olaraq terror təşkilatı ilə bağlı qərar verilməyib", - parlamentari deyib.
Deputat, həmçinin cinayət yolu ilə əldə edilmiş əmlak barədə danışıb: “Azərbaycanda kimi vəzifədən çıxarırlarsa, onun ya otağından, ya qarajından, ya da başqa yerdən külli miqdarda vəsaiti çıxır. Hətta xarici ölkələrdə mülkləri, binaları üzə çıxır. Bunlar dövlətin vəsaitləridir, belə talamaq olmaz”.
