Ermənistanda daha bir seçki məntəqəsinin nəticələri etibarsız sayılıb
Modern.az xəbər verir ki, Ermənistan Mərkəzi Seçki Komissiyasının saytında yayılan məlumata görə, 12 saylı Ərazi Seçki Komissiyası 12/13 saylı seçki məntəqəsində səsvermənin nəticələrini etibarsız hesab edib.
Qərara əsasən, səsvermə günü məntəqədə seçki bülletenində 8-ci nömrə ilə təmsil olunan “Milli-Demokratik Qütb” partiyasının bülletenləri olmayıb.
Məntəqədə səsvermədə iştirak edən seçicilərin sayı 809 nəfər olub. Komissiya bu rəqəmi aşkar edilmiş uyğunsuzluqların ümumi həcmi kimi qiymətləndirib.
Qərara görə, uyğunsuzluqların həcminə dair məlumatlar istisna olmaqla, məntəqənin protokolunda yer alan bütün digər göstəricilər sıfırlanıb.
Bundan əlavə, məntəqə ilə bağlı materiallar araşdırılması üçün prokurorluğa göndərilib.
