7 Fevral 2017, 12:40 | Ana Səhifə - Yazılar - Ölümü yenən aparıcının savab missiyası
Ölümü yenən aparıcının savab missiyası

Vəfa Allahverdiyeva     

 

Sosial şəbəkələrdə, kütləvi informasiya vasitələrində nümayiş etdirilən şəxsi fotolardan, hansısa mövzuya ikiçümləlik bəhsəbəhs statuslardan tutmuş, geniş müsahibələrə, irihəcmli filmlərə, uzun-uzadı seriallara qədər-hamısında piar xarakteri tapmaq mümkündür və bunların heç də hamısı  cəmiyyət üçün faydalı deyil; əksinə pis təsirlər, neqativ örnəklər də yaradır.

Lakin neçə vaxtdır, bir televiziya aparıcısının müəyyən fasilələrlə gah öz videosunu, gah müxtəlif formalarda şəkillərini, gah da duyğusal, mətanətli düşüncələrini ictimai rəylə paylaşması elə  gərəkli, elə diqqətçəkici piardır ki, nə məhz özünü reklam səciyyəsi daşıyır, nə lovğalıqdır, nə də bezdirici bir təkrarçılıq. Sadəcə, ortada həkimdən yaxşı həkim, psixoloqdan əla psixoloq  gerçəyi, ümumiyyətlə, bir savab missiyası var.

Çünki heç bir tibb uzmanı, onkoloq-cərrah qarşısındakı pasiyentini mənəvi-psixoloji böhrandan  çıxarmaqda bacarıq və köməyini onun qədər ürəklə, həm də  inandırıcı tərzdə  ortaya qoymağa, üstəlik heç bir xəstə öz gözəl təcrübəsini bütün komplekslərdən uzaq,  cəmiyyətlə bu şəkildə açıq-açığına  bölüşməyə  qabil deyil.

Hətta bir neçə gün öncə Türkiyədə xəstəxana açılışında xərçəngdən xilas düsturunu siqaretsiz, içkisiz həyat tərzində təklif edən prezident Rəcəb Tayyib Ərdoğanın topluma bir az təpingən, müdrik mövqeyi də həmkarımız Zümrüd Qasımovanın müxtəlif metodlarla insanlara keçdiyi xərçənglə mübarizə, nikbinlik dərslərinin yanında aciz qalır.

Üzərinə xüsusi vurğu saldığımız bu örnək burnumuzun ucuna soxulan xarici kəşfiyyat maraqlarının, yəni xərçəngin süni yolla yayılmasının ciddi jurnalist araşdırmalarında iddia edilən qorxulu ehtimalları qarşısında isə yüngülcə bir təsəlliyə çevrilir.
 

Bu forslu, zövqlü aparıcının pozitiv enerjisi, adətən ayağına bir daş dəyməyən, can ağrılarından uzaq,  uğurlar bolluğunda üzən, hər cəhətdən yarımış bir qadının, fərdin sahib olduğu nikbinlikdən qidalanan xoş  auradır. 

Halbuki xərçəng öz qəddarlığı, fobiyası, zəhmi ilə şikarına çevirdiyi insanın birinci mənəvi gücünü məhv edir. Psixoloji durumunu zədələyir, nə baş verdiyinin detallarına gedilmədən onun içindəki həyat eşqini anındaca  öldürür.  Zümrüd istisna olmaqla.     
   

Cəmiyyətin populyar fərdinə çevrilmək arzuları hərəyə görə müxtəlif metodlarla gerçəklik qazanır: biri böyük səhnələrə soyunmaqla, kosmetik məhsulların hesabına gözəlləşən süni çöhrəsi ilə  yol tapır. Digəri xəstəlikdən tökülmüş saçları, solmuş üzü ilə tanınmışlar kateqorisində yer alır.

Birincilərin populyarlıq üslubunda bir çirkinlik, daim qüvvədə olan ictimai qınaq, tənqid, ikincinin məhşurluq səbəbində isə böyüklük, savab, alternativi olmayan bir örnək, depressiyadan xilas  nümunəsi  daşınır.

Aparıcılıqdakı vacib-  gözəl və qamətli olmaq şərtləri insanın yetənəyi, unikal keyfiyyətləri, mətanəti, əzazil bir mərəzlə mücadilədə başarılı olması,  xəstəliyə ölüm qapısına yaxınlaşma rüsxətini verməmək, onu yenə bilmək gücü ilə çulğalaşanda,  bu, o aparıcını daha cazibədar, daha xarizmatik bir imiclə təqdim edir. Zümrüdü təqdim etdiyi kimi.      

Yaraşıqlı bir qadının köksündə kədərli fizioloji dəyişiklik baş verir, gözəlliyin birinci səbəbi zülf tamamən tökülür, qamət əyilir, bədən cılızlaşır-eybəcərləşmə gerçəyi meydana çıxırsa və bunca dəhşətli mənzərədə gənc xanım dimdik ayaqda durmağı bacarır-ağlamaq əvəzinə ucadan gülürsə, səssizliyə çəkilmək əvəzinə rəqs edir, gözəl libaslar axtarışına çıxırsa, ana olmaq şansını itirdiyini bilə-bilə özünü də,  həyat yoldaşını da ayaqda həyat eşqli tutmağı bacarırsa, bu, o insanın ismi qarşısına bütün titullardan, ən yaxşı epitetlərdən də gözəl və uğurlu təyinlər gətirib qoyur.   

Hələ üstəlik, bir başqasının onkoloji xəstəliyin zahiri fəsadını-eybəcərləşməni hamıdan gizli saxlamaq instinktiv duyğusu ilə müqayisədə Zümrüdün videolarının, şəkillərinin, mətanətli düşüncələrinin könüllü sosial çarx rolunda çıxış etməsi sevgi və hörmətə layiq  bir hərəkət səviyyəsinə qalxır. Çünki Səhiyyə Nazirliyinin ağlına gəlmədiyi belə bir çarxın zəruriliyini o, öz nümunəsində milyonların əhvalına ən təsirli ilac kimi təqdim edir. 

Estetik gözəlliyi məhv edən xəstəliyin acı nəticələrini  özündə əbədilik saxlayan fotoları, videoları palaz altında qoruyub saxlamalıykən, mübarizə üsulunu cəmiyyətdən məxfi saxlamağı bacarmır. Bunun tərtəmiz adı xeyirxahlıqdır.

Ən qəddar xəstəliklə mübarizə aparmağı bacarmaq, nikbinlik kimi təmənnasız seanslar, bəlkə də taledən həyatdolu bu xanımın üzərinə qoyulan bir savab missiyasıdır.

Xərçəng bəlasına mübtəla olan və bundan sığortalanmayan insanları dimdik dayanmağa, pozitiv ovqata, ölümü vicuddan qovmağa cərrah bıçağından və zəkasından da iti olan optimizmə kökləmək üçün.

Elə bu baxımdan onun mütəmadi təqdim etdiyi videolar, fotolar, xəstəliyi nöqtəbənöqtə, dəfələrlə anladan çıxışları şəxsi arxivlərə layiq nümunə, qiymətli  dərman, qısası  vacib tibbi bilgi və  sənəd statusu daşıya bilər...

 

MÜƏLLİFİN DİGƏR YAZILARI
İlham Əliyev şuşalıların öz evlərinə qayıdacağı tarixi AÇIQLADI 24 Sentyabr 2021, 13:20 Şənbə gününün havası - Külək əsəcək, yağış yağacaq 24 Sentyabr 2021, 13:15 Qazinin pulunu və medalını oğurlayan şəxs tutuldu 24 Sentyabr 2021, 13:10 Qafqaz ölkələrini birləşdirəcək şərab marşrutu hazırlandı 24 Sentyabr 2021, 13:06 Şuşanı azad edəndən sonra Putin mənə zəng vurdu... - İlham Əliyev 24 Sentyabr 2021, 13:02 COVID-19 və qlobal siyasət: pandemiyadan sonra dünya necə görünəcək? 24 Sentyabr 2021, 12:58 Sentyabrın bütün ödənişləri KÖÇÜRÜLDÜ 24 Sentyabr 2021, 12:54 Kiyevdə Azərbaycan və Qırğızıstan diasporlarının görüşü keçirilib 24 Sentyabr 2021, 12:50 Nərimanovda şəhid ailələri ziyarət edilib 24 Sentyabr 2021, 12:45 Tuğda şərab zavodu bərpa olunacaq - Yeni mərkəzlər yaradılır 24 Sentyabr 2021, 12:40 İlham Əliyev: “Döyüş əməliyyatlarının planı çoxdan hazırlanırdı” - MÜSAHİBƏ 24 Sentyabr 2021, 12:34 Gəncə Dövlət Universitetin idarə heyəti toplandı 24 Sentyabr 2021, 12:30 Almaniyanın yeni kansleri kim olacaq? 24 Sentyabr 2021, 12:27 Dövlət Komitəsinin əməkdaşları Qroznıya səfər ediblər 24 Sentyabr 2021, 12:22 Texnoloji ixtisaslar üzrə tələbə qəbulu 75 faiz artırılıb - Nazir müavini 24 Sentyabr 2021, 12:16 Prezident şəxsi xüsusiyyətlərindən danışdı: “Prinsipcə, sakit insanam” 24 Sentyabr 2021, 12:10 ADU-da şəhid Ülvi Bünyadzadə anılıb - FOTOLAR 24 Sentyabr 2021, 12:05 İlham Əliyev İraqın neft nazirini qəbul edib 24 Sentyabr 2021, 12:00 “Ermənistan Azərbaycana qarşı ərazi iddiaları irəli sürməyə davam edərsə...” – Prezident 24 Sentyabr 2021, 11:56 Prezident XTQ-nin fəaliyyətini yüksək qiymətləndirdi 24 Sentyabr 2021, 11:52 Yuxarı Qarabağ kanalında bir nəfər batıb 24 Sentyabr 2021, 11:48 Horadiz-Cəbrayıl-Zəngilan-Ağbənd yolunun tikintisindən FOTOLAR 24 Sentyabr 2021, 11:44 Bu tarixədək Azərbaycan internetlə tam təmin olunacaq 24 Sentyabr 2021, 11:38 MRT və KT müayinələri üçün əks göstərişlər AÇIQLANDI 24 Sentyabr 2021, 11:35 Sentyabrda temperatur normadan yüksək olub 24 Sentyabr 2021, 11:34 Nazir azad edilmiş ərazilərdə kənd təsərrüfatının potensialından DANIŞDI 24 Sentyabr 2021, 11:30 Ağsaqqallar Şurasından Tahir Süleymanova ad günü təbriki 24 Sentyabr 2021, 11:30 Borcunu qaytarmaq istəməyən soydaşımızdan qandonduran QƏTL 24 Sentyabr 2021, 11:26 Milli Məclisdə narkomaniya ilə bağlı dinləmə keçiriləcək 24 Sentyabr 2021, 11:25 İxtisaslı işçilərin sayı çox azdır - Nazir 24 Sentyabr 2021, 11:22 Səyyad Əlizadənin son DURUMU 24 Sentyabr 2021, 11:19 Eldar Həsənov yenidən məhkəmə qarşısında 24 Sentyabr 2021, 11:16 Eks-deputatın oğlu küçənin ortasında güllələndi 24 Sentyabr 2021, 11:11 Ekspertdən fərqli baxış: Pandemiya cinayətləri azaldır - DİN reaksiya verdi 24 Sentyabr 2021, 11:10 NATO-nun yeni hədəfi Çindir 24 Sentyabr 2021, 11:05
SORĞU Hansı vaksinə etibar edirsiniz?