İngiltərə Premyer Liqasında 2026/2027-ci illər mövsümünün 4-cü turu çərçivəsində Mançester derbisi keçirilib.
Modern.az xəbər verir ki, "Mançester Yunayted" "Old Trafford" stadionunda əzəli rəqibi "Mançester Siti"ni qəbul edib. Gərgin keçən qarşılaşma qonaqların 1:0 hesablı qələbəsi ilə yekunlaşıb.
13 sentyabr
"Mançester Yunayted" - "Mançester Siti" - 0:1
Qol: E.Haaland, 60
Qırmızı vərəqə: F.Foden, 23 ("Mançester Siti")
Bu qələbədən sonra xalını 12-yə çatdıran "Mançester Siti" turnir cədvəlində 2-ci pillədə qərarlaşıb. "Mançester Yunayted" isə 4 xalla 13-cü sıradadır. Növbəti turda hər iki komanda sentyabrın 20-də meydana çıxacaq. "Mançester Yunayted" evdə "Fulhem"i, "Mançester Siti" isə "Sanderlend"i qəbul edəcək.
