7 Aprel 2017, 13:06 | Ana Səhifə - Yazılar - Avropalı oğlan
Avropalı oğlan

Hidayət Elvüsal


Yadınızda olar. O Sovet hökumətinin vaxtında bizim cavanların demək olar ki, hamısı Rusiyada əsgərlik edərdilər. Elə mən də!

Və o vaxt əsgərlikdən gələnlərin bəziləri necə deyərlər gopa basırdılar:

- Generalın qızı məndən ötəri ölürdü. Papası deyirdi ki, qal burda, səni ofiser eləyim.

Bir özgəsi:

- Komandirin arvadı məndən kəsirdi. Mən də komandirin arvadından kəsirdim. Oğraş bizi bir yerdə tutdu. Dedim öldürəcək. Qayıtdı dedi ki, üç gün növbədən kənar naryad! Yəni üç gün yeməkxanada qabları-zadı yudurtdu.

Və cavanların çoxu həsrətlə əsgərlik vaxtını gözləyirdilər ki, komandir onların da “naryad” versin. Rus qızlarıyla kef eləsinlər. Elə ki, çatırdılar Maqadana…

İndi də Avropa dəbdədir. Qayıdanların bəziləri qırmızı şalvarda, qulaqlarında da sırğa, gopa basırlar. Elə biri də bu Allahverdi. Dilimiz öyrəşib deyə ona Allaverdi deyirik və o gün bu da beynimizi xarab elədi:

- Ə, o Ledi Qaqa yoxdu?! Tanıyıram e, onu, sən öölll!

- Hardan tanıyırsan?

- Ə, evində balaca bir it saxlayır da. Heç kimə də etibar eləmir. Deyir Allaverdi, bu Cessi sənə əmanət.

- Cessi…

- İtin adı də, sən öll! Ə, it şahzadə kimi yaşayır e. şampunu, ətiri-zadı hesablayırsan, ayda bir “Mersedes”in pulunu eləyir, sən öll!

- Səni hardan tanıyır?

- Ə, indi gərək hər şeyi biləsiniz? Tanış olmuşuq da. Bir dəfə gedirdim. Gördüm maşını xarab olub, qalıb yolda. Yaxınlaşdım dedim, xanım, kən ay help yu!

- Nə?

- Yəni sənə nə kömək eləyə bilərəm. Dedi, təkərim buraxıb.

- Arxa, yoxsa…

- Ə, sən lap tupoysan e, sən öll! Nə dəxli var, hansı təkər? Nə isə, bunun təkərini düzəltdim.

- Arxa, yoxsa…

- Məzələnirsən?

- Soruşuram da!

- Soruşma! Hər şeyi danışmazlar. Tanış olduq. Dedi sabah konsertim var, birisigün gəl bizə. Adresi-zadı verdi, telefon nömrəsini yazdım.

- Getdin?

- Getməyəydim? Ə, sənə Ledi Qaqadan danışıram ee. Getdim! Qardaş, içəri girdim ki, bura ev deyil.

- Nədi?

- Muzey! Ə, külqabı qızıldan idi, sən öll! İndi belə baxıram, deyirəm, fələk, mən yetim bu “Prima”nın külünü qızıl qaba necə töküm!

- Orda da “Prima” satılır?

- Ə, sözgəlişi deyirəm dəə. Gördü ki, bir az narahatam, dedi Allaverdi, sən Səfər əminin goru özünü öz evindəki kimi hiss elə.

- Səfər əmini hardan tanıyırdı?

- Ə, indi öyrənib da. SRU (Allahverdi Mərkəzi Kəşfiyyat İdarəsi demək istəyirdi) dannıları öyrənib, ona çatdırıb, sən öll!

- Sonra!

- Ta nə sauna? Bir də gördüm ev xalatında gəlir. Ətirin iyi vurdu beynimə. Qabaq tərəfdəki divanda oturdanda ayağını aşırdı ayağının üstünə, fələk!!!

- Nə oldu, ə?

- Ə, nə nə oldu? Nəfəs getdi, əl titrədi, ürək şıdırğı vurdu. Gülümsədi, dedi, Allaverdi, tələsmə, hələ tezdi, gecə uzundu.

- Mən ölüm?!

- Sən öll! Nə isə, yedik-içdik, yeriniz məlum. Bir az viski vurandan sonra dilim açıldı. Dedim, aaz Ledi Qaqa, sən papanın canı mənim nəyimə vurulmusan? Dedi, Allaverdi, əmoğlu, Cessi səni görən kimi quyruğunu buladı. O saat bildim ki, yaxşı oğlansan, hal əhlisən. Mənə də sənin kimi bir oğlan lazımdı. Hər adamla oturub-duran deyiləm.

- Yəni indi sən, Ledi Qaqanın lübovnikisən?

- Ə, ta oraları soruşmayın da! Məşhur adamdı. Sonra deyər Allaverdinin ağzı yırtıqdı.

- Allaverdi, o Şakira nətəhər şeydi?

- Pis deyil! Bir dəfə mənə dedi ki, səndən incimişəm. Dedim niyə? Dedi o gün səni Ledi Qaqaynan görmüşəm. Cessi də yanınızdaydı.

- Harda görüb?

- Demədi.

- Yəni o da sənə…

- Ə, sən öl, Ledi onu tikə-tikə doğrayar. Qısqanır e, məni. Deyir, Allaverdi, səni özgə bir qızla-zadla görsəm, onun saçını olub, salaram ayağımın altına, dəli inək balasını qığnoyan kimi qığnoyaram. Sən öll!

- Allaverdi, sən bicin birisən. Şakiranı  da boş buraxmazsan.

- Ə, yaxşı, ə!

- Mən ölüm düzünü de!

- Ə, Ledinin qulağına çatar e, sən öll!

- Burda özümüzük, bizi tanıyırsan.

- Yavaş danış.

- Şakirayla…

- Ə, yavaş!

- Sən mənim canım!

- And verir e!

- Olub, olmayıb?

Allahverdi bir sağa baxdı, bir sola baxdı, sonra güldü, səssiz güldü, səssiz. Sonra yavaşca pıçıldadı:

- Elə-belə!

- Necə yəni elə-belə! O məsələnin də elə-beləsi olur?

- Ə, deyib ki, qayıdanda məni tapacaq.

- Mən ölüm?!

- Sən öll!..

…Və Allahverdi qayıda bilmədi. Adı-familiyası, fotoşəkli oranın polislərinin kompüterində idi. Qanunsuz, yəni qaçaq kimi yaşadığından ölkədən qovulmuşdu. Bir mərdiməzar da, onun küçə süpürərkən çəkilmiş şəklini facebook-a qoymuşdu.

Və nə Ledi Qaqa, nə də Şakira o ölkədə, Allahverdinin yaşadığı, qovulduğu ölkədə heç vaxt olmamışdılar.

Cessi adlı it də…

 

 

 

 

MÜƏLLİFİN DİGƏR YAZILARI
İntibahımızın banisi 10 May 2021, 12:07 Kamran Əliyev baş həkimlərin həbsinə MÜNASİBƏT BİLDİRDİ 10 May 2021, 12:01 Müdafiə Nazirliyinin rəhbərliyi Heydər Əliyevin məzarını ziyarət edib - VİDEO 10 May 2021, 11:55 Sabahın hava PROQNOZU 10 May 2021, 11:50 Baş Prokuror “Tərtər işi”ndən DANIŞDI 10 May 2021, 11:45 Naxçıvanda Süni Mayalanma Mərkəzi istifadəyə verildi 10 May 2021, 11:40 Naxçıvan Qarnizonu Mərkəzi Hospitalının açılışı oldu 10 May 2021, 11:33 “Azərxalça”nın Naxçıvan filialının açılışı oldu 10 May 2021, 11:27 Prezident “ASAN xidmət” Mərkəzinin binasının tikintisi ilə tanış oldu 10 May 2021, 11:20 İlham Əliyev Naxçıvanda Heydər Əliyevin abidəsini ziyarət edib 10 May 2021, 11:14 Prezident hərbi aerodromun AÇILIŞINDA 10 May 2021, 11:07 Coğrafiya elminə ağır itki: əbədiyyətə qovuşan Hüseyn müəllim 10 May 2021, 11:04 Xalidə Bayramova Modern.az-a danışdı: “Allah ən böyük şahidimdir” 10 May 2021, 11:01 Hacıqabul sakininindən narkotik maddə və tüfəng götürüldü 10 May 2021, 10:57 Atam illərlə uğrunda vuruşduğu bir Qələbəni gördü, amma... 10 May 2021, 10:53 Naxçıvan Beynəlxalq Hava Limanının yeni uçuş-enmə zolağının təqdimatı oldu 10 May 2021, 10:50 DSX-nin həbs edilən vəzifəli şəxsləri azadlığa BURAXILDI 10 May 2021, 10:45 İlham Əliyev Naxçıvanda səfərdədir 10 May 2021, 10:39 Azad olunan ərazilərdə “Xarı bülbül” maketləri ərsəyə gətirildi - FOTOLAR 10 May 2021, 10:33 Siyəzəndə narkotik becərən şəxs saxlanıldı 10 May 2021, 10:26 Azərbaycan qadını həyatının çox böyük bir hissəsini susur -  SABİQ DEPUTATLA MÜSAHİBƏ 10 May 2021, 10:20 Prezident və birinci xanım Heydər Əliyevin məzarını ziyarət etdilər 10 May 2021, 10:13 Ötən həftə Qarabağda 93 hektar ərazi minalardan təmizlənib 10 May 2021, 10:06 Bakıda 200 ədəd yeni ağac əkildi - FOTOLAR 10 May 2021, 10:00 Azərbaycanlı jurnalist Fransa portalında minalanmış ərazilərdən yazdı 10 May 2021, 09:53 Böyük şəxsiyyətlər və xilaskarlar unudulmur - VİDEO 10 May 2021, 09:46 Heydər Əliyev Azərbaycanın xilaskarı və qurucusudur 10 May 2021, 09:39 Ermənistan parlamenti yenidən toplaşır - Paşinyanın taleyi həll olunacaq 10 May 2021, 09:32 Qocalmanın qarşısını alan 6 MÖCÜZƏ 10 May 2021, 09:24 Bu tarixdən havanın temperaturu gündən-günə yüksələcək - RƏSMİ 10 May 2021, 09:17 DTX-dan Heydər Əliyevin ildönümü ilə bağlı PAYLAŞIM 10 May 2021, 09:10 Xəzər rayonunda 28 yaşlı gənc bıçaqlandı 10 May 2021, 09:04 Bakıda yaşayış binasında  yanğın - xəsarət alanlar var 10 May 2021, 08:58 Güclü külək Bakı-Qazax yolunun bağlanmasına səbəb oldu 10 May 2021, 08:52 Bu gündən Azərbaycanda 18 yaşdan yuxarı şəxslərə vaksin vurulacaq 10 May 2021, 08:44