Modern.az

Restoranlarda saxlanılan vəhşi heyvanlar müsadirə olunur

Restoranlarda saxlanılan vəhşi heyvanlar müsadirə olunur

12 Sentyabr 2009, 22:13

2009-cu ildə Ekologiya və Təbii Sərvətlər Nazirliyinin əməkdaşlarının respublika ərazisində keçirdikləri reydlər zamanı iaşə müəssisələrində qanunsuz saxlanılan 2 baş ceyran, 2 baş canavar, 4 baş dovşan, 1 baş ayı və həmçinin adları “Qırmızı Kitab”a daxil edilmiş müxtəlif növ vəhşi quşlar müsadirə olunub. Bu barədə Modern.az-a Ekologiya və Təbii Sərvətlər Nazirliyinin mətbuat xidmətindən məlumat verilib. Nazirlikdən verilən məlumata görə, müsadirə olunan 4 ədəd qartal, 2 ədəd soltan toyuğu, 2 ədəd hacıleylək, 1 baş dovşan və 1 baş canavar Vəhşi Təbiətin Bərpası Mərkəzi və Reabilitasiya Klinikasında tam reabilitasiya keçəndən sonra Altıağac, 1 ədəd qutan və 1 baş ceyran isə yaşama arealına uyğun olaraq Ağgöl Milli parklarının ərazilərində vəhşi təbiətə buraxılıb.
Xatırladaq ki, 2008-ci ildə isə Altıağac Milli Parkı nəzdində Vəhşi Təbiətin Bərpası Mərkəzi və Reabilitasiyası Klinikasına hərəsi 1 baş olmaqla çaqqal, tülkü, maral, ceyran, ayı, 2 baş cüyür, 3 baş canavar, 4 baş dovşan, hərəsi 1 ədəd olmaqla şahin, aralıqdəniz qartalı, qırqovul, leşyeyən, qartal, ağ baş kərkəs, qu quşu, hərəsi 2 ədəd olmaqla bildirçin və tüklüayaq sar gətirilmişdi.
2008-ci ilin müxtəlif dövrlərində Klinikada reabilitasiya keçən heyvanlardan tülkü, maral, canavar, çaqqal, ceyran, şahin, aralıqdəniz qartalı, qırqovul, qartal, ağ baş kərkəs, qu quşu, bildirçin və tüklüayaq sar sonda vəhşi təbiətə buraxılmışdı. 
Qeyd edək ki, vəhşi heyvanları qanunsuz olaraq restoranlardakı qəfəslərdə saxlayan həmin obyektlərin sahibləri bu yolla müştəri cəlb etməyə çalışırlar.

Whatsapp
Bizə yazın!
Keçid et
Son dəqiqə- Paşinyan Qazaxın Əskipara kəndinə gəldi