5 Oktyabr 2017, 11:20 | Ana Səhifə - Yazılar - Nələr görürük, nələr…
Nələr görürük, nələr…

Hidayət Elvüsal

Gərək televizora baxmayaydım. Yenə o aparıcı xanımlar şpaqat açdılar. Və məni fikir götürdü. Düşündüm ki, görəsən ayaqlarını belə - yəni 180 dərəcə aralayanda paltarlarından hansısa cırılıb eləmir ki? Yox! Cırılsaydı səsi gələrdi. Canlı verilişdi dəə.

Amma şou-biznes əhalisindən daha çox ekranda boy-boya verən həkimlər məni yaman qorxutdular. Biri dedi ki, əgər belində bir balaca ağrı hiss eləsən, mütləq yanıma gəl, xərçəng xəstəliyi başlanıb.

Dilim-ağzım qurudu. İki gündür ki, belim doğrudan da bir balaca ağrıyır. Həyətdə quyu qazırdım ki, bəlkə su çıxa. Çıxmadı və belim…

O biri həkim, o biri proqramda təsəlli verdi:

- Əgər belinizdə bir balaca ağrı varsa, böyrəyiniz soyuqlayıb.

Özümə gəldim. Tez bir kəklikotu dəmləyib içmək istəyirdim ki, başqa birisi məni o qədər güldürdü ki, uğunub getdim. Yox, əşi, bunu deməyim. Bizə aid olan şey deyil. Qadınlar üçün deyilmiş əlamətdir.

Amma bu eynəkli həkim ürəyimi qopardı:

- Beliniz bir balaca ağrıyırsa, qepatit-s nağdıdır.

Sonra o biriləri:

- Vərəmsən!

- Sellilozsan!

- Qarnında yırtıq var!

- Quş qripisən!

- Kərtənkələsən!

- Qayaqarpansan!

- …

- …

Yenə bu akademikə şükür. Sakitcə oturdu. Ovqatım oldu əladan əla. Şeir dediyi səydəş-süydəş yazıları oxuduqca məni şirin bir mürgü aparırdı. Amma yenə dadsız-duzsuz şairkimilərin ənənəvi çoban obrazını soxuşduranda yuxum qaçdı:

- Getmişdim Quba tərəfə. Bir çoban uzaqdan məni görən kimi hönkürə-hönkürə üstümə qaçdı. Dedi, professor-şair, səni həmişə televizorda izləyirəm. O anana yazdığın şeiri oxudun haa… Səhərə kimi ağlamışam. Qoyun-quzu da qoşulub mənə. Mən ağlamışam, onlar mələyib, onlar mələyib, mən ağlamışam.

Və fikirləşdim ki, akademik bu geydirmə epizodu kimdənsə eşidib. Yadıma düşdü. Belə səydəş şeylər yazan biri də vardı. İlk dəfə bu çoban epizodunu o danışmışdı, özü də televiziyada.

Nə isə! Hərçənd akademik, şeirin heç əlifbasını da bilmir, amma yazır haa. Nə ölçüsü, biçisi var, nə qafiyəsi var, nə mənası, nə də heç nəyi. Deyən yoxdur ki, ay zalım oğlu, şeir yaza bilmirsən, heç olmasa şpaqat açmağı öyrən dəə. Bir dəfə aç, bir il səndən danışsınlar. İstədiyin şöhrət deyil?

Hələ bir kanal var, ona “Düşük TV” deyirəm. Amaaannn!!! Yoldan ötən, meşədə azan, toy tamadaları, geydirmə oxuşanlar (oxuyanlar yox, oxuşanlar), şairlik eşqinə düşmüş pensionerlər…

Və oradakı aparıcı cavan oğlan! Ekranda yatır! Hə, yatır, ekranda. Əlinə bir planşet, ya da telefon alıb, qurdalayır, öz-özünə danışır, eynən avtobusda, metroda gedən uşaqlar kimi. Üzünün ifadəsi də eyni - guya gülümsəyir.

Bu, deyilənlərə “Düşük TV”-nin keçirdiyi guya mahnı yarışmasını da əlavə etsək, tam bir fəlakət!

Amma bütün TV-lərin ortaq nöqtələri də çoxdur.

1. Proqrama dəvət olunan aparıcıya, şirkətin rəhbərliyinə, operatorlara, işıqçılara minnətdarlıq etməli və deməlidir ki, ancaq sizin TV-yə baxıram, məhz sizin verilişiniz ailəmizin sevimlisidir.

2. Bütün aparıcılar isə:

a) Saç düzümünə görə Minəxanıma;

b) Makiyajıma görə Anaxanıma;

v) Geyimimə görə Sonaxanıma;

q) Ayaqqabılarıma görə Bibixanıma.

Sponsorumuza, mamama, papama, göysatana, cinçıxardana, falabaxana… çox-çox təşəkkür edirəm!

Və bütün bunlar yalnız və yalnız bizim ekranlarımızın dadı-duzu, qatığı, qaymağı, şoru, ayranıdır.

Hə, yenə televiziyaya baxdım - eyni aparıcılar, eyni mövzular, eyni mübahisələr, eyni mahnılar, eyni sözlər, ordan-burdan kopiyalanmış telefilmlər…

Danışanda da qəzetləri bəyənmirlər. Guya özləri…

MÜƏLLİFİN DİGƏR YAZILARI
Zabitimizdən Paşinyana: “Bax, belə oynayarlar” 2 Dekabr 2020, 01:00 İspaniyada azarkeşlər stadionlara buraxılacaq 2 Dekabr 2020, 00:52 “Real”dan acı məğlubiyyət 2 Dekabr 2020, 00:41 Paytaxtda gənc oğlanı maşın vurdu 2 Dekabr 2020, 00:35 Eyfel bu tarixdən ziyarətə açıq olacaq 2 Dekabr 2020, 00:24 Teledərslərin bu günə olan CƏDVƏLİ 2 Dekabr 2020, 00:10 Messi Çempionlar Liqasında daha bir oyunu buraxacaq 2 Dekabr 2020, 00:00 Paşinyanın istefasını tələb edən daha 35 nəfər saxlanıldı 1 Dekabr 2020, 23:50 İŞİD Əkrəm İmamoğlunu öldürmək istədi 1 Dekabr 2020, 23:37 “Ölümün qolları güclü olsa da, Vətən məhəbbəti güclüdür ondan” - 30 yaşlı Şuşa qəhrəmanı   1 Dekabr 2020, 23:32 Əfqanıstanda Rusiya səfirliyinin avtomobili partladıldı 1 Dekabr 2020, 23:22 Ceyhun Bayramov qətərli həmkarı ilə danışdı 1 Dekabr 2020, 23:11 Almaniyada dəhşətli hadisə 1 Dekabr 2020, 23:00 Ceyhun Bayramov Çavuşoğlu ilə Laçını müzakirə etdi 1 Dekabr 2020, 22:50 Sumqayıtda mənzildə qadın meyiti aşkarlandı 1 Dekabr 2020, 22:45 Azadlıq meydanı parada hazırlaşır - FOTO 1 Dekabr 2020, 22:35 “Qarabağ” və “Zəfər” ordenləri hansı xidmətlərə görə verilir? 1 Dekabr 2020, 22:24 Laçın yolu və bu yolu açan dəmir yumruq 1 Dekabr 2020, 22:11 Ermənistanın məğlubiyyətinin “Yol xəritəsi” 1 Dekabr 2020, 21:57 “NATO Qarabağ münaqişəsinin tərəfi deyil” - Baş katib 1 Dekabr 2020, 21:32 “Vətən müharibəsində arxa cəbhədə xidmətlərə görə” medalı bu şəxslərə veriləcək 1 Dekabr 2020, 21:20 Maradonanın psixiatrının evində axtarış aparılır 1 Dekabr 2020, 21:11 İşğaldan azad edilən rayonlar üzrə təsis edilən medallar - FOTO 1 Dekabr 2020, 21:00 Nazirlər Kabineti pandemiya ilə bağlı qərarında dəyişiklik etdi 1 Dekabr 2020, 20:50 Türkiyədə koronavirusdan rekord sayda ölüm 1 Dekabr 2020, 20:42 Şuşanı azad edənlər bu medalla təltif olunacaqlar 1 Dekabr 2020, 20:29 Stalin haqqında miflər və əfsanələr 1 Dekabr 2020, 20:20 “Suqovuşanın azad olunmasına görə” medalın Əsasnaməsi təsdiqləndi 1 Dekabr 2020, 20:13 İƏT-in Baş katibi İlham Əliyevi təbrik etdi 1 Dekabr 2020, 20:04 Böyük dövlətlərin koronavirus vaksini YARIŞI 1 Dekabr 2020, 19:38 Vilyam Hacıyevin həbs müddəti daha 3 ay uzadıldı 1 Dekabr 2020, 19:23 Putinin hərbi bloku Qarabağdakı vəziyyəti müzakirə edib 1 Dekabr 2020, 19:15 Şəhid ailələri və müharibə əlillərinə hansı sosial dəstək göstərilir - SİYAHI     1 Dekabr 2020, 19:08 Azərbaycanda “Vətən müharibəsi iştirakçısı” medalı bu şəxslərə veriləcək 1 Dekabr 2020, 18:54 Almaniyada faciə: 2 ölü, 14 yaralı 1 Dekabr 2020, 18:39
SORĞU Cəbhə xəbərlərini hansı mənbədən alırsınız?