Türkiyənin Manisa şəhərində məktəbdə baş verən silahlı hücum nəticəsində yaralananların sayı 11 nəfərə çatıb.
Modern.az Türkiyə mediasına istinadən xəbər verir ki, hücumun 2011-ci il təvəllüdlü şəxs tərəfindən törədildiyi bildirilir.
Məlumata görə, yaralılardan ikisinin vəziyyəti kritik qiymətləndirilir.
Hadisə ilə bağlı şübhəlinin valideynləri və silahın sahibi olduğu bildirilən babası saxlanılıb. Hadisənin bütün detalları ilə bağlı araşdırma davam edir.
Türkiyə mediasında və sosial şəbəkələrdə yayılan görüntülərdə hücumda şübhəli bilinən şəxsin silahla açıq şəkildə məktəbə doğru hərəkət etdiyi görünür.
