6 İyun 2018, 13:01 | Ana Səhifə - Yazılar - Hamısı, hər gün
Hamısı, hər gün

Hidayət Elvüsal

 (Və bu, əlbəttə, zarafatdır)

 

Qız içəri girəndə necə cikgə çəkdik, kişi dik atıldı.

- Ay papa!

- Haycan! Nə olub, ay bala? Ürəyim düşdü.

- Papa, bu gün bütün özəl kanallara baxmışam. Əlikram Bayramovu hələ də göstərməyiblər.

- Necə yəni, göstərməyiblər?

- Papa, dünən də Elşad Qarayevi ekranda görməmişəm.

- Müsibət! Bəs, kimi göstəriblər?

- Onlardan cəmi ikisini. Səməd Səmədovu, bir də şairə var haa, Cığatay, bax onu.

- Bala, səbr elə. Hələ axşama çox var.

- Ürəyim partlayır e, papa. Mənzurə Musayevanı görmək üçün axşamı gözləyə bilmirəm.

- Döz, bala, döz. Bizim şou-biznesin başında kabus dolanır. Marks demişkən…

- Mən Marksı istəmirəm. Manaf Ağayevi istəyirəm. Cancananı istəyirəm.

- Qızım, dünən toyda oxudu də. Toyla telekanalın nə fərqi var ki? İkisi də eynidir də.

- Toyda səs-küy vardı. Canı eşidirdim, cananı eşitmirdim. Sonra da…

- Sonra nə?

- Sonra Əflatun Qubadov oxuyanda, məni ağlamaq tutdu. Yanımda üç-dörd arvad vardı. Onlar da ağlayırdı. Şəbnəm Tovuzlu mikrofonu götürəndə gəlinin ürəyi getdi.

- Niyə?

- O mahnını oxudu də. O deyir haa, hanı yoldaş, hanı qardaş dünyada, balıqların şahı öldü dəryada.

- Axırıncı qəmi olsun. Başsağlığı verdin?

- Deyirlər hələ cəsədi tapılmayıb. Yazıq Şəbnəm şaxsey-vaxsey gedirdi.

- Neynəsin? O boyda balığın vəfat eləməsi zarafat deyil. Özü də dəryada. Bura bax. Mənzurə Musayeva bu gün görünüb?

- Yox, dünən üç kanalda oxuyub. Yorulub da, papa, neynəsin? Amma meyxanaçı Samirəyə halal olsun. Eyni gündə toya da gedir, ekranda da atamanlıq eləyir. Bu gün o da…

- Darıxma! Axşama qədər hamısı görünəcək. Elza da çoxdandır…

- Srağagün danışırdı.

- Danışmasını demirəm. Oxumasını istəyirəm.

- Mən də istəyirəm də, papa. Bax, istəyirəm ki, həmişə belə olsun. Ekranda şou-biznesin eyni adamları görünsün. Özü də hər gün həm də onlar ənənəni pozmasınlar. Eyni mahnını oxusunlar. Birini Əlikram desin, birini Telli Borçalı. Amma hər gün, həm də bütün özəl telekanallarda. Səhərdən axşama qədər. Bir də ki, bu şou-biznesin adını dəyişmək lazımdır. Bundan sonra toyu-biznes olsa yaxşıdı.

- Yooox! Onları iki dəstəyə ayıraq. Bu dediklərimiz olsunlar toyu-biznes, o birilərinə toxunmayaq. Hər halda şou-biznesin havası oralarda var.

- Off, darıxdım. Bax, bu gün hanı Əlikram, hanı Telli, hanı Pərviz Bülbülə, hanı Samirə, hanı Cavanşir Məmmədov…

- Balıqların şahı öldü dəryada.

- Papa, məni ağlatma!

- …

- …

- Papa, birdən soruşsalar ki, özfəaliyyətiniz elə bundan ibarətdir, nə cavab verərik?

- Deyərik ki, nöşün, Sevil və Sevinc bacıları öz məharətlərini indi toylarda göstərirlər.

- Papa, o bir vaxtlar ekranda təpik atan müğənni xanım var idi haaa - Aynur Dadaşova. O da qayıdıb.

- Bax, gördün, sənə dedim ki, darıxma. Oxuyanımız da var, şuluq salanımız da var, təpik vurub kəllə atanımız da.

- Bıyy, papa. Mənzurə Musayeva oxuyur!

- Bəs Əlikram Bayramov niyə görünmür?

- İndi görünər. O birilər də görünər. Papa, tələsmə.

MÜƏLLİFİN DİGƏR YAZILARI
Müharibədən qayıdan sürücülərlə görüş keçirilib - FOTOLAR 23 Yanvar 2021, 18:32 “Təhsil haqları ilə bağlı söylədiklərim başqa cür təqdim edilib” 23 Yanvar 2021, 18:24 ABŞ-dan Rusiyadakı etirazlara dəstək - Kreml QƏZƏBLƏNDİ 23 Yanvar 2021, 18:16 Millimiz oyunlarını Belçikada keçirəcək 23 Yanvar 2021, 18:10 Naxçıvanda yenidən zəlzələ oldu 23 Yanvar 2021, 18:05 Braziliyada karnaval keçirilməyəcək 23 Yanvar 2021, 17:57 Türkiyənin PUA-ları Qarabağda müharibə metodlarını dəyişdirdi - Ərdoğan 23 Yanvar 2021, 17:50 Kəlbəcərin Qamışlı kəndi - VİDEO 23 Yanvar 2021, 17:44 Polad Bülbüloğlu Şuşada atasının evində - VİDEO 23 Yanvar 2021, 17:37 Azərbaycanda daha 162 nəfər yoluxdu - 8 nəfər öldü 23 Yanvar 2021, 17:30 Rusiyada etirazlar zamanı saxlanılanların sayı 1000-i KEÇDİ 23 Yanvar 2021, 17:24 Kamal Abdullanın romanı Almaniyada çap olundu 23 Yanvar 2021, 17:17 AQTA epizootik vəziyyətlə bağlı vətəndaşları diqqətli olmağa çağırır 23 Yanvar 2021, 17:11 Dünya jurnalistikasının canlı əfsanəsi vəfat etdi 23 Yanvar 2021, 17:04 İlham Əliyev Zelenskiyə başsağlığı verdi 23 Yanvar 2021, 17:00 Məişətdə yanğın baş verməməsi üçün nə edilməlidir? 23 Yanvar 2021, 16:55 İşğaldan azad olunmuş rayonlara qeydiyyat dayandırılıb - Rayon RƏHBƏRLƏRİ 23 Yanvar 2021, 16:49 SOCAR-ın fəaliyyətinin diaqnostikası aparılacaq 23 Yanvar 2021, 16:43 Prezidentdən SOCAR-ın idarə edilməsinin təkmilləşdirilməsi ilə bağlı FƏRMAN 23 Yanvar 2021, 16:36 Navalnının tərəfdarları polislə toqquşdu: yaralananlar var 23 Yanvar 2021, 16:30 Navalnının həyat yoldaşı da həbs olundu 23 Yanvar 2021, 16:25 Komissiya müharibədən qayıdan 5 298 müraciətinə baxıb 23 Yanvar 2021, 16:18 Moskvada minlərlə etirazçı Kremlə doğru İRƏLİLƏYİR 23 Yanvar 2021, 16:12 SOCAR-ın Müşahidə Şurasının tərkibi təsdiqləndi - SİYAHI 23 Yanvar 2021, 16:06 Moskva, Peterburq, Novosibirsk, Vladivostok... – Rusiyada kütləvi aksiyalar – FOTOLAR 23 Yanvar 2021, 16:00 Pandemiya tələblərini pozan 17 obyekt cərimələndi 23 Yanvar 2021, 15:55 Daha 13 müəssisə Rusiyaya pomidor və alma ixrac edəcək 23 Yanvar 2021, 15:50 Azərbaycanda bu məşhur broyler müəssisəsi iflas etdi 23 Yanvar 2021, 15:44 İran XİN başçısı Bayden administrasiyasına çağırış etdi 23 Yanvar 2021, 15:37 Prezident İsmayıl Hacıyevi “Şöhrət” ordeni ilə təltif etdi 23 Yanvar 2021, 15:30 Tərtərdə karantin rejimini pozan çayxana aşkar edildi 23 Yanvar 2021, 15:22 “Təhsil naziri ictimai fikrə böyük önəm verir” - Müşavir 23 Yanvar 2021, 15:15 Azərbaycan torpağı Zəngəzur və ermənilərin iç üzü dünyanın gözü ilə 23 Yanvar 2021, 15:09 Şəhidin üzünü görmədiyi oğlu UĞUR doğuldu - FOTO 23 Yanvar 2021, 15:02 Deputatlar sabah Strasburqa gedirlər 23 Yanvar 2021, 14:55