3 Sentyabr 2019, 16:13 | Ana Səhifə - Yazılar - Ah, Paris, Paris!.. Fransız qızların arzusu…
Ah, Paris, Paris!.. Fransız qızların arzusu…

Elçin Alıoğlu


"Ah, Paris", "Fransa stili", "Fransız dəbi"… Bir sözlə, Fransa dünyada bəlkə də yeganə ölkədir ki, brend kimi tanınır.
Müsyö Jordan da ki, heç.

Bəs yaxşı, nədir fransız həyatı, fransızlar necə yaşayırlar, yaşamlarında fərqlər hansılardır?

… Fransızların pəhrizləri, arıqlama metodları və s. barədə yüz minlərlə məqalə, yazı var. Gördüklərimi yazıram.

Parisdə xanımlar S ölçüdən kök olmamağa can atırlar. M ölçülü xanımlar da az deyil, amma onların əksəriyyəti arıqlamaq istədiklərini deyirlər.

Kruassan. Bu təamı uşaqlar, əyalətlərdən gələnlər və turistlər çox sevirlər. Orta statistik parisli ailəsində (yoxsul ailələri, mühacirləri və s. nəzərdə tutmuram) səhər yeməyində meyvə şirələri, qəhvə və taxıl məhsullarıdır.

Detoks parislilərin tutqusudur. Apteklər detoks çaylarla, ampullarla, həblərlə, dükanlar isə şirəçəkənlərlə doludu.

Fəqət, parisli masa arxasında arıqladığından danışmağı sevmir. Bu, tərbiyəsizlik sayılır. Çünki fransızlar yeməyi, yaxşı yeməyi sevirlər. Hamısı da kulinar şoulara baxırlar. Bu səbəbdən kimsə bilməməlidir ki, masa arxasında sizinlə üzbəüz oturmuş xanım paxlalı steykdən sonra tam bir həftə naharda və şam yeməyində sadəcə, sup yeyəcək.

Şef-aşpazların əksəriyyəti kök deyil.

Təbii, Parisdə kök və ya toppuş xanıma kimsə "fi, bu nədir" deməyəcək. Lakin onun öz vücuduna laqeyd qalmasını "belə olmaz" deyərək şərh edəcəklər.

Fransız stili. "Bütün sirr gözəl paltodadır, bla-bla-bla, sonra bu şərfi seçin, bla-bla-bla, dodaqlarınızı boyayın bla-bla-bla..." belə deyil və parisli xanım kimi görünmək mümkünsüz. Tam obraz yaratmaq lazımdır.

Dəyərli xanımlar, nə geyinəcəyinizi bilmirsinizsə - qara rəngi seçin. İstənilən durumda. Yəni "Black is the new black". Qaranın alternativ hələ ixtira olunmayıb.

Brendlər. Parislilər arasında "brend xəstəliyi" yoxdur. Yəni sinəsi boyu GUCCİ yazılmış maykada şəstlə gəzən xanımı görsəniz, bilin ki, parisli deyil. Pulun çoxluğunu gözə soxmaq da mədəniyyətsizlik sayılır.

Parislilərin çoxu H&M-dən geyinir, amma bu zaman pulu olan xanımlar 5 min avroya çanta alırlar. Parisli xanım iki nəsnəyə çox önəm verir: çanta və ayaqqabı. Yerdə qalan hər şey köhnə-küləş, ucuz ola bilər.

Parisli xanım işə gedirsə, qara pencək, qışda da qara palto geyinir, vəssəlam - obraz hazırdır.

Saç daramamaq da dəbdir. Ceyn Birkindən sonra "yataqdan indi durmuşam" stili geniş yayılıb. Birkin demişdi axı: "My mother was right: When you've got nothing left, all you can do is get into silk underwear and start reading Proust".

Parisli qadınlar arasında yalın ayağa tufli geyinmək də adi haldır.

Metro və maşın. Parislilər metronu çox sevirlər. Paris metrosunda naziri sidik iyi verən kloşarın yanında görmək olar. Avtomobil dayanacaqları çox azdır.

Marsel, Lion, Bordo və ya Tuluzadan fərqli olaraq, Parisdə hamı maşın almağa can atmır. Maşın Parisdə baş bəlası, can sıxıntısıdı

Konsertlər. Parisdə bütün səs-küylü iventlər (şoular, konsertlər və s.) ya xüsusi meydançalarda, ya da Sena çayına yaxınlıqda təşkil olunur. Yaxud da çayda sahilə yan almış gəmilərjə, ya damlarda ruftoplar formasında, ya da yeni binalı rayonlarda.

Parisin mərkəzində açıq havada şou və ya diskoteka görmədim. Bu tısbağanın uçma ehtimalı səviyyəsindədi.

Ailə. Parislilər amerikalılar deyillər və “melting pot” sevmirlər. Bu şəhərdə “mixing pot” yayılıb. Yəni metroya düşübsünüzsə, ümumi dostlar arasında itməyəcəksiniz. Hərə uşaqlığından öz yolu ilə gedir.

Məsələn, ən bahalı universitetlərdə əsl-nəcabətli parisli ailəsinin övladı ilə eyni qrupda oxuyan "adi, orta" gəncin karyera şansı adidir. Əsilli gənc isə karyerasını sürətlə quracaq, sosial liftdən daha tez faydalanacaq.

Parisli qızların arzusu "burjua ailəsindən oğlan"la ailə həyatı qurmaqdır. Ancaq sosial strat deyilən problem var. Məsələn, atası ofis klerki, anası müəllim olan qızın varlı oğlana ərə getmək şansı çox, amma çox azdır. Kinolara inanmayın.

Keyt Middlton və ya Meqan Marklın nikahları təki mezalyanslar Parisdə nadir məsələdi.

Parisli etiketi. Nəyisə yanlış etsəniz, əsl parisli heç vaxt sizə kəskin irad bildirməyəcək. Amma səhv təkrarlandıqca ətrafınızla aranızda boşluq yaranacaq. Ünsiyyət azalacaq.

Bəs yanlış etdiyinizi necə bilməli? Parisli sizə sadəcə, bir dəfə deyəcək: "Belə etmirlər". Vəssəlam. Bunu özünüz öyrənməlisiniz.

Masa arxasında olanda qabdan son tikəni başqalarına təklif etmədən yemək kobudluq sayılır. Əllə yalnız çörək yeyilir. Bəzi parisli ailələrdə hətta almanı belə, bıçaq-çəngəllə yeyirlər. Krevetkalar da eynən. Kahı əsla bıçaqla kəsilmir.

Bir sirr də açım: parisli masa arxasında olanda heç vaxt ondan sağ əlini uzadıb qarşısında adamın sol tərəfində olan çörək tikəsini götürməz.

Disney mahnıları. Parisdə 10-40 yaşlı xanımlar Disney animasiya filmlərindəki mahnıları çox sevirlər. Xüsusilə də "Let it go iz Frozen"i.

Muzeylər. Parisdə muzeylərə həmişə uzun-uzadı növbələr var. Qran Paledə məsələn, əlinizdə bilet olsa belə, 5 saatadək gözləyə bilərsiniz.

Parisli ruhu. Təbii, parislilər söhbətlərində hökumətin yaramazlığındaan, bahaçılıqdan, miqrantların şəhəri başına almasından, Fransanın geosiyasi meydanda zəifləməsindən, iqtisadi və siyasi problemlərdən çox danışırlar.

Saytlar, telekanallar, radioların ən sevimli mövzusu "Nə qədər davam edəcək bu rəzalət?!" sualının refrenidi. Lakin parislilər səmimi-qəlbdən əmindirlər ki, onların şəhərində nə isə görünməz, ruh sayılası nəsnə var ki, bütün dünya Parisə can atır.

Parisli ilə yaxın əlaqə qurmaq da asan deyil. Bunun üçün bəzən 2-3 il gərəkdir. Bu müddətdən sonra qonşularla və ya iş yoldaşları ilə birlikdə harasa istirahətə dəvət ala bilərsiniz.

Parisdə kirayə ev tutmaq da asan deyil.

İci Paris.

Merci, mesdames et messieurs...

MÜƏLLİFİN DİGƏR YAZILARI
İran və Azərbaycan arasındakı münasibətlər necə davam edəcək?.. 24 Oktyabr 2021, 13:08 Əfqanıstan qana boyandı 24 Oktyabr 2021, 13:00 Böyük Qayıdış reallaşır: Qarabağda  işsizlik problemi olmayacaq 24 Oktyabr 2021, 12:46 Şəhidimizin anım günü - Video 24 Oktyabr 2021, 12:35 Xarkovda Axundova heykəl qoyuldu 24 Oktyabr 2021, 12:29 "Keşlə" -"Qəbələ" dueli 24 Oktyabr 2021, 12:19 Sabahın havası: duman olacaq  24 Oktyabr 2021, 12:08 Goranboyda oğrular qandallandı 24 Oktyabr 2021, 11:58 Yeni qeydiyyata alınan partiyanın HƏDƏFLƏRİ 24 Oktyabr 2021, 11:51 Dünyanın koronavirus MƏNZƏRƏSİ 24 Oktyabr 2021, 11:39 Balakəndə reyd  24 Oktyabr 2021, 11:29 Prezident və xanımından sevgi FOTOSU 24 Oktyabr 2021, 11:22 Bakıda fabrik alovlandı 24 Oktyabr 2021, 11:11 Mərmərədə gəmilər TOQQUŞDU 24 Oktyabr 2021, 11:08 Gürcüstanda virusa YOLUXANLAR 24 Oktyabr 2021, 11:00 Tayvan silkələndi 24 Oktyabr 2021, 10:51 Ötən ilin bu həftəsi - Müdafiə Nazirliyindən YENİ VİDEO 24 Oktyabr 2021, 10:48 Bu gün dünyanın gözü "Kamp Nou"da olacaq 24 Oktyabr 2021, 10:44 Bahalaşan neft, yüksələn ərzaq qiymətləri fonunda manatı nə gözləyir: devalvasiya, yoxsa...? 24 Oktyabr 2021, 10:32 Kolumbiyanın ən böyük narkotaciri qandallandı 24 Oktyabr 2021, 10:30 24 oktyabr:  Ümumdünya Poliomielitlə Mübarizə Günü 24 Oktyabr 2021, 10:26 Mənzildə meyit tapıldı 24 Oktyabr 2021, 10:16 Tovuzda ağır qəza  24 Oktyabr 2021, 10:05 Xəzərdə 5 otaqlı ev yandı 24 Oktyabr 2021, 09:59 SAVAŞ XRONİKASI: 24 oktyabr - düşmənin döyüş təyyarəsi vuruldu 24 Oktyabr 2021, 09:49 Özbəkistan  prezidentini seçir  24 Oktyabr 2021, 09:39 Məhəmməd Salahın mum heykəli London muzeyində 24 Oktyabr 2021, 09:30 Yunanıstan Misirdən işıq alacaq 24 Oktyabr 2021, 09:23 Həmyerlimiz Finlandiya çempionu oldu 24 Oktyabr 2021, 09:14 Rusiya vətəndaşlarına Gürcüstanda əmlak qadağası 24 Oktyabr 2021, 09:05 Tiflisdə zəfərimizin ildönümünə həsr olunan futbol turniri 24 Oktyabr 2021, 08:59 Kennedinin qətli ilə bağlı məxfi sənədlər açıqlanacaq   24 Oktyabr 2021, 00:51 NATO-dan Baltikyanı ölkələrdə növbəti aviabaza 24 Oktyabr 2021, 00:31 Erməni qoşunlarını Qarabağdan çıxaracaq SƏNƏD 24 Oktyabr 2021, 00:02 Vulkan püskürən adada ZƏLZƏLƏ 23 Oktyabr 2021, 23:51