12 Avqust 2016, 15:07 | Ana Səhifə - Yazılar - Boşanmışlar ordusu
Boşanmışlar ordusu

Hidayət ELVÜSAL

 

Son vaxtlar baş verən hadisələr olmasaydı bu söhbəti açmazdıq. Onsuz da hamının bildiyi bir problemdir. Həyatdır, bir zamanlar dünyanın ən xoşbəxtləri hansı səbəbdənsə yollarını ayırırlar. Bunu yaxınları, dost-tanışları eşidir. Açıq söyləyək ki, çoxlarına  nümunə olan şou-biznesdə belə deyil. Bəziləri üçün az qala həyat tərzinə çevrilmiş bu məsələ şou-biznesin reklam lövhəsinə çevrilib.

Xalq artisti Aygün Kazımovanın rəsmi və ya qeyri-rəsmi həyat yoldaşları (!!!!) haqda hər kəsin müəyyən məlumatları var. Onun həyatında baş verən evliliklər, ayrılıqlar uzun müddət gündəmdə qalır. Bu azmış kimi müğənninin yerli və əcnəbi sevgililəri, macəraları da bəzi TV ekranlarından əskik olmur. Aparıcı xanımı eşidirik:

- Türkiyədə yerli diva (?!) bizim divanı (yəni Aygün Kazımovanı) qısqanır.

Bu «diva» məsələsi haqda indi fikir bildirmək yersiz olardı. Amma  müğənninin türk sevgilisi haqda elə ruh yüksəkliyi ilə xəbər verən aparıcı bunu rahat və sərbəst dilə gətirir.

Başqa bir aparıcı o qədər rahat və ixtiyar sahibidir ki, müğənni Kərimin keçmiş həyat yoldaşı Təranə xanımdan soruşur:

- Kərim ər-arvad münasibətində öz kişilik vəzifəsini yerinə yetirə bilirdimi?

Xanım:

- Bəli! – dedi.

Yəni Kərimin barəsində yayılan xoşagəlməz söhbətlərə bu namünasib yolla aydınlıq gətirildi. Ekranda, tamaşaçı kütləsi qarşısında  onu təmizə çıxardılar. Və daha  sonra bu cütlüyün yeni macəraları vaxtaşırı olaraq «servis» edildi.

Yəni bu yolla tamaşaçıların sayının necə artdığının şahidi olduq. Xalq artisti Məleykə Əsədova ailə qurdu. Hamı xoşbəxtlik arzuladı. Dünyaya övladı gəldi və az sonra məhz ekrandan elan elədi:

- Yox! Bu dəfə mütləq boşanacam!

Boşandı. Sonra zövqünə uyğun kişini təsvir elədi. Yenə ekandan. Və düşünürsən ayıb deyilmi? Heç olmasa sənə «Xalq artsisti» adı verirlər. Sən bu xalqa hansı nümunəni göstərirsən.

Müğənni İlahə bir yarışmadan tanındı, məşhurlaşdı. Sonra ərə getdi, övladı dünyaya gəldi. Və… Ayrıldı. Səbəb? Çox qəribə izahat verdi:

- Ərim çox gülürdü.

Adam bu yerdə soruşmaq istəyir. Evlənməzdən qabaq ərin ağlayırdı? Bu nə bəhanədi? «Evlənib ayrılıb» adlı bir «lisenziya» əldə etmək üçün bu qədər düşük varianta əl atmağın nə mənası var? Sərbəstlik  yaradan belə ayrılıq toy-düyün, maşın, ev, təmtəraqlı həyat və… «SPONSOR» macəralarının başlanğıcıdır və bunu hamı bilir.

Belə sponsorlar  uğrunda bəzən az qala şou-biznesdəki xanımlar saç yoldusuna çıxırlar. Özü də yenə TV ekranlarında, mediada.

Əlbəttə, şou-biznesdə ailə bağları kifayət qədər möhkəm  olanlar da var. Onlar sənətləri ilə məşğul olurlar. Dava-dalaşdan, münaqişədən uzaqdılar. Evlənib ayrılmağı ağıllarına belə gətirmirlər. Belə mənasız şeyləri həyat tərzinə çevirmirlər. Sevdikləri adama «ayaq bağı» kimi baxmırlar. Əksinə, onların  hörmətini hər yerdə saxlayırlar. Xalq artisti Faiq Ağayev də evlənib ayrılıb. Amma bunu bacardıqca gizlətməyə çalışır.  Röya da belə. Ümumiyyətlə, belə məsələlərdən reklam qazanan və utanan, çəkinən insanları da görürük.

Rəqsanə… Bir zamanlar bu xanım düz 9 ay, 9 gün şişmiş qarnını TV ekranlarında sərgilədi. Mütəmadi olaraq uşağın atasını soruşanlara qısa cavab verdi:

- Bir dostdur.

Vəssəlam. Yəni tablo göründü – ərdən, sevgilidən başqa «dostdan» da hamilə qalmaq olarmış. Pis nümunədir.

Ümumiyyətlə isə bunların hamısı mütləq başqalarına da təsir edir. Amma haqq qazandırdığımız insanlar da var. Lalə Məmmədova da boşandı. Amma o, xəyanət üzündən belə bir addım atdı. Buna görə də heç kəs onu qınamadı.

Şou-biznesə yenidən nəzər saldıq. Nə qədər acı olsa da ailəni hər şeydən üstün tutanlar burada çox azdır. Boşanma isə sanki həyat tərzinə çevrilib.

Onları dinləyənlər, sevənlər üçün xoşagəlməz nümunə şəkillənir. Sanki müğənni olmaq, şou-biznesə qatılmaq üçün ya əvvəlcə, ya da buraya «üzv» olandan sonra mütləq boşanmaq lazımdır.

Beləliklə, şou-biznesdə bir boşanmışlar ordusu yaranmaqdadır.

 

 

MÜƏLLİFİN DİGƏR YAZILARI
Nəbiyev amerikalı rəqibini yendi  24 Oktyabr 2021, 13:20 İran və Azərbaycan arasındakı münasibətlər necə davam edəcək?.. 24 Oktyabr 2021, 13:08 Əfqanıstan qana boyandı 24 Oktyabr 2021, 13:00 Böyük Qayıdış reallaşır: Qarabağda  işsizlik problemi olmayacaq 24 Oktyabr 2021, 12:46 Şəhidimizin anım günü - Video 24 Oktyabr 2021, 12:35 Xarkovda Axundova heykəl qoyuldu 24 Oktyabr 2021, 12:29 "Keşlə" -"Qəbələ" dueli 24 Oktyabr 2021, 12:19 Sabahın havası: duman olacaq  24 Oktyabr 2021, 12:08 Goranboyda oğrular qandallandı 24 Oktyabr 2021, 11:58 Yeni qeydiyyata alınan partiyanın HƏDƏFLƏRİ 24 Oktyabr 2021, 11:51 Dünyanın koronavirus MƏNZƏRƏSİ 24 Oktyabr 2021, 11:39 Balakəndə reyd  24 Oktyabr 2021, 11:29 Prezident və xanımından sevgi FOTOSU 24 Oktyabr 2021, 11:22 Bakıda fabrik alovlandı 24 Oktyabr 2021, 11:11 Mərmərədə gəmilər TOQQUŞDU 24 Oktyabr 2021, 11:08 Gürcüstanda virusa YOLUXANLAR 24 Oktyabr 2021, 11:00 Tayvan silkələndi 24 Oktyabr 2021, 10:51 Ötən ilin bu həftəsi - Müdafiə Nazirliyindən YENİ VİDEO 24 Oktyabr 2021, 10:48 Bu gün dünyanın gözü "Kamp Nou"da olacaq 24 Oktyabr 2021, 10:44 Bahalaşan neft, yüksələn ərzaq qiymətləri fonunda manatı nə gözləyir: devalvasiya, yoxsa...? 24 Oktyabr 2021, 10:32 Kolumbiyanın ən böyük narkotaciri qandallandı 24 Oktyabr 2021, 10:30 24 oktyabr:  Ümumdünya Poliomielitlə Mübarizə Günü 24 Oktyabr 2021, 10:26 Mənzildə meyit tapıldı 24 Oktyabr 2021, 10:16 Tovuzda ağır qəza  24 Oktyabr 2021, 10:05 Xəzərdə 5 otaqlı ev yandı 24 Oktyabr 2021, 09:59 SAVAŞ XRONİKASI: 24 oktyabr - düşmənin döyüş təyyarəsi vuruldu 24 Oktyabr 2021, 09:49 Özbəkistan  prezidentini seçir  24 Oktyabr 2021, 09:39 Məhəmməd Salahın mum heykəli London muzeyində 24 Oktyabr 2021, 09:30 Yunanıstan Misirdən işıq alacaq 24 Oktyabr 2021, 09:23 Həmyerlimiz Finlandiya çempionu oldu 24 Oktyabr 2021, 09:14 Rusiya vətəndaşlarına Gürcüstanda əmlak qadağası 24 Oktyabr 2021, 09:05 Tiflisdə zəfərimizin ildönümünə həsr olunan futbol turniri 24 Oktyabr 2021, 08:59 Kennedinin qətli ilə bağlı məxfi sənədlər açıqlanacaq   24 Oktyabr 2021, 00:51 NATO-dan Baltikyanı ölkələrdə növbəti aviabaza 24 Oktyabr 2021, 00:31 Erməni qoşunlarını Qarabağdan çıxaracaq SƏNƏD 24 Oktyabr 2021, 00:02