4 Sentyabr 2020, 11:46 | Ana Səhifə - Yazılar - Akademikə ünvanlanan suallar
Akademikə ünvanlanan suallar

Vüqar Tofiqli


Dəyərli ziyalı Rəşad Məcidin son günlər cəmiyyətdə dolaşan fikirlərlə bağlı mülahizələrini və Milli Məclisin sədr müavini Adil Əliyevin müsahibəsini oxumasaydım yəqin ki, bu yazını da qələmə almayacaqdım. Dünən BNA rəsmisinin axmaq bir fikri gündəmə müəyyən mənada  rəng qatsa da, əsas movzu yenə də akademik Ramiz Mehdiyevin nəvəsinə etdiyi toy məclisi ətrafındakı müzakirələri səngitmədi və akademikin tələm-tələsik  qələmə aldığı dörd yazının müzakirəsi yenə gündəmi zəbt etmiş oldu.

***

Mətləbə keçməzdən əvvəl pedaqoji fəaliyyətlə məşğul olduğum zaman qarşılaşdığım maraqlı bir hadisəini oxucularımla bölüşmək istərdim. Demək, ilk dəfə müəllim kimi qədəm qoyduğum dördüncü  sinifə atamın əsgərlik yoldaşının və kəndiçimizin sonbeşik ərköyün qızı da dərsə gəlirdi. Açığı, sinifdəki uşaqlar çox zəif və oxumağa meylli olmayanlar idi. Mən isə uşaqlara rus dilini tədris etməliydim. Atamın əsgərlik yoldaşı isə bir müddət əvvəl bədbəxt hadisə nəticəsində dünyasını dəyişmişdi. Və məndə bu  ailəyə hörmət olduğundan daim bu qıza dərsə cavab verməyə qaldırır, öyrətməyə, dərsə həvəs yaratmağa çalışırdım. Və sinifdəki digər uşaqlardan fərqli olaraq bu qıza daha çox diqqət yetirirdim ki, öyrənsin, oxusun, əlaçı olsun, yararlı bir insan olsun. Amma qız oxumağa heç meylli deyildi. Hər dəfə dərsi öyrənmədiyindən mən də pedaqoji üsullardan istifadə edib onu tənbeh edirdim. Təkidlə dərsə qaldırmağım qızı bir gün  təngə gətirdiyindən mənə konkert cavab verdi: “Ay müəllim,  elə məni görmüsünüz, dərsi elə tək mən oxumamışam, dey haa bunlar da oxumayıblar dəəəə... Bunlardan niyə soruşmursunuz...”.

Beləcə həmin gün yaddaşımda dərin izlər buraxdı. Demək bu qıza olan diqqətim hələ ona çatmayıb. Demək mən hələ çox işləməliyəm. Həqiqətən növbəti siniflərdə həmin  qızda oxumağa həvəs  axır ki yarandı.

***

Mətləbə keçim. İndi akademik dörd yazısında təkrar etdiyi bir məqam, yəni yeznəsinin qoluna qandal vurulub məhkəməyə gətirilməsi məsələsini yazanda nədənsə  yadıma məhz   dərs dediyim qızın bu sözlərini xatırlatdı.  Ancaq o vaxtı o qızın on yaşı var idisə, bu gün akademikin 83 yaşı var. Nədən akademik hər dəfə bu qandal məsələsini gündəmə gətirir. Çox maraqlıdır. Yəqin ki, səbəbini özü bilməmiş deyil.

Ancaq bu gün mənim diqqətimi qandal məsələsi yox, daha çox akademikin qələmə aldığı digər fikirlərdir. Fikirlər yox, daha doğrusu dirəniş göstərdiyi məqamlardır. Bu gün o yazılarda hörmətli akademik öz səhvlərini  etiraf edib, qurduğu idarəçilik piramidasındakı boşluqları göstərsəydi fikrimcə daha yaxşı olardı. Amma hiss olunur ki, Ramiz müəllim öz səhvlərini sanki paylaşmaq istəyir, bu istiqamətə heç toxunmur.

Bu arada isə akademikin idarəçilik piramıdasında süni şəkildə yaratdığı boşluqlar barəsində bəzi  diqqətimi çəkən məqamlara, xüsusəndə yerliçilik, qohumbazlıq və digər məqamlara toxunmaq istərdim.

Hörmətli akademikə sual etmək istərdim - bu gün həbsdə olan altı icra başçısının ölkənin birinci şəxsinə təqdimatını Siz etməmisinizmi? Bu gün onların üst-üstə hələ nəqd şəkildə müsadirə edilən milyonlarla manat büdcədən oğurladıqları  pullardan, o kadrların seçilməsində, onlara qurama sv düzəldilməsdindən həqiqətənmi xəbəriniz yox idi? Və deməliyəm ki, bu gün Sizin dövrünüzdə təyinat alanların demək olar ki, böyük əksəriyyətinin xarakteri məhz həbs edilənlərdən fərqlənmir. Niyə icra başçılarının seçimində yerliçilik, qohumbazlıq şərtlərinə daha çox diqqət yetirilib? Bəlkə buna cavab verəsiniz. Nədən təyinat alanların böyük əksəiyyyəti ancaq və mütləq şəkildə bir yerdən olmalı və ya o bir yerə qohum olmalıydı? Məgər bundan xəbəriniz yox idimi? Mən hələ bələdiyyə sahəsində yaranan süni problemlər haqqında danışımıram.

Məgər Şuşada, Ağdamda, Gəncədə, Göyçayda, Lənkəranda  və digər regionlarda  məmur  “yetişmirdimi”? Məgər Qarabağdan ancaq oxuyan çıxmalı, cənubdan molla çıxmalı, digər yerlər isə Allah ümidinə qalmalıydı?

Niyə Sizin də xidmət etdiyiniz Ulu Öndərin çoban, saatsaz və digər sahələrdə dostu olduğu halda, belə prinsipin daim yolverilməz olduğunu dilə gətirdiyi halda, bu məsələlərin həlli etimad göstərilib Sizə həvalə ediləndə baxış bucağı dəyişdi?

Bu məsələlərə aydınlq gətirsəydiniz Sizə bəri başdan təşəkkür edərdim. Hər halda buraxılan səhvləri etiraf etmək özü bir alicənablıqdır.

***

Mən çox istərdim ki, bu müzakirələrdə fəxri ad  və ev alanlarımızdan çox cəmiyyətin qəbul etdiyi insanlar    daha yaxından iştirak etsinlər. Sabiqlərin müzakirələrə qatılmasının heç bir əhəmiyyəti yoxdur. Çünki onlara nə vəzifədə olanda, nə də ki indi elə də inam və etibar yoxdur, olmayıb  və bundan sonrada olmayacaq. Mən isə sadəcə bir ziyalı olaraq istədim öz fikrimi bildirim. Hökumətimizdən də nə fəxri ad, nə ev almışam, heç belə bir  niyyətim də olub. Qaldı ki, hörmətli akademikə, mənə elə gəlir ki, yaşının müdrik vaxtında belə müzakirələri açmaqdansa,  vaxtını nəvələrinə həsr etsəydi daha yaxşı olardı.

MÜƏLLİFİN DİGƏR YAZILARI
Somalidə toqquşma - 30 ölü 25 Oktyabr 2021, 00:52 Pikassonun 11 əsəri 110 milyon dollara satıldı - FOTOLAR 25 Oktyabr 2021, 00:38 XİN-dən Qubadlı PAYLAŞIMI 25 Oktyabr 2021, 00:14 Qubadlının işğaldan azad olunmasından 1 İL ÖTÜR 25 Oktyabr 2021, 00:05 Türkiyədə koronavirusla bağlı son vəziyyət 24 Oktyabr 2021, 23:48 Nigeriyada neft zavodunda partlayış: 25 ölü 24 Oktyabr 2021, 23:20 AMEA-nın folklorşünas alimi VƏFAT ETDİ 24 Oktyabr 2021, 22:58 Cüdoçularımızdan dünya çempionatında 8 MEDAL 24 Oktyabr 2021, 22:51 Füzuli Beynəlxalq Hava Limanındandan VİDEOREPORTAJ 24 Oktyabr 2021, 22:18 “Liverpul” “Mançester Yunayted”ı darmadağın etdi 24 Oktyabr 2021, 22:08 Özbəkistan SEÇKİLƏR -Fəallıq 80%-dən çox olub 24 Oktyabr 2021, 21:51 Gürcüstan-Ermənistan sərhədində ZƏLZƏLƏ 24 Oktyabr 2021, 21:32 Aİ Kabildə diplomatik missiyasını BƏRPA EDİR 24 Oktyabr 2021, 21:14 Özbəkistanda prezident seçkiləri YEKUNLAŞDI 24 Oktyabr 2021, 21:02 "Real Madrid" "Barselona"nı səfərdə məğlub etdi 24 Oktyabr 2021, 20:23 Daha biri koronavirus xəstəsi Metroda 24 Oktyabr 2021, 20:10 Rusiyada təyyarə qəzası - Ölənlər var 24 Oktyabr 2021, 19:45 “Qəbələ” “Keşlə”yə qalib gəldi 24 Oktyabr 2021, 19:12 DİM imtahan nəticələrini AÇIQLADI 24 Oktyabr 2021, 19:08 Qətlə yetirilən soydaşımızın nəşi vətənə GƏTİRİLƏCƏK 24 Oktyabr 2021, 17:59 Əlcəzairdən fransızca qadağası 24 Oktyabr 2021, 17:44 Consondan çağırış 24 Oktyabr 2021, 17:36 Koronavirusa qarşı PEYVƏNDLƏNƏNLƏR 24 Oktyabr 2021, 17:25 Son sutkada YOLUXANLAR - Ölənlər artdı 24 Oktyabr 2021, 17:21 İranda koronavirus mənzərəsi 24 Oktyabr 2021, 17:19 Taliblərdən İran imtinası 24 Oktyabr 2021, 17:08 Polkovnikin nəvəsi intihar etdi 24 Oktyabr 2021, 16:58 Şahinlərimiz Türkiyədən geri dönür  24 Oktyabr 2021, 16:51 Gürcüstanın virus mənzərəsi 24 Oktyabr 2021, 16:39 Baş nazirə 15 illik cəza  24 Oktyabr 2021, 16:26 İbrahimoviçdən növbəti ilk  24 Oktyabr 2021, 16:15 Əsl insan gözəllikdə gözəlliyi görməyi bacarandır - Deputat 24 Oktyabr 2021, 16:05 Özbəkistanda seçki baş tutdu 24 Oktyabr 2021, 15:51 66 milyon illik skelet rekord qiymətə... 24 Oktyabr 2021, 15:46 Professor dünyasını dəyişdi 24 Oktyabr 2021, 15:34