15 Avqust 2016, 14:13 | Ana Səhifə - Yazılar - Bəhram Xəlilov Məleykə Abbaszadə qədər niyə hörmətli ola bilmir?
Bəhram Xəlilov Məleykə Abbaszadə qədər niyə hörmətli ola bilmir?

Vəfa Allahverdiyeva

 

Müasir, pilləkənvari təhsil sistemi insandan ölənə qədər  oxumaq tələb edir-əvvəlcə bakalavr, sonra magistiratura, ardınca doktorantura, nəhayət, əlavə  iki mərhələli imtahan prosesi:  bu da dövlət qulluğuna  qəbul üçün. 

Əslində qəbir evinə qədər oxumaqda pis  nə ola bilər ki: daim öyrənir, daim təkmilləşirsən; çox bilib, çox hörmət qazanırsan.

Di gəl ki, insan biliyinin bu qədər test edilməsi və testdən alınan pozitiv sonluqlar gələcəyinə zəhmət qoyub, gözünün nurunu verənləri  ağ günlərə sarı çətinliklə aparıb çıxarır.  

Hər bir sahəni nə qədər qanun müstəvisində göstərirsən-göstər , konkret dövlət işində çalışmaq məsələsinin pərdəarxasında kifayət qədər əyriliklər dayanır.   

Elə çıxmasın ki, TQDK-ya birləşənə qədər adı Dövlət Qulluğu Komissiyası olan bu strukturun şəffaflığından, onun tele-ulduz olmağı sevməyən, populyarlıq səbəbləri daşımayan  rəhbəri Bəhram Xəlilovun düz işləməsindən hər hansı şübhə və əsaslı tənqidi faktlar var.

Keçmiş TQDK  nə qədər kasıb zümrəyə  xidmət edirsə, adıçəkilən komissiya da başında biliyi olan hər kəsin -fərq etməz, o, sanballı təbəqənin, yoxsa,  adi insan çevrəsinin mənsubudur-həmişə yanında olub və onun dövlət pilləsində vakant yeri tutmasını ikiəlli dəstəkləyib. 


Amma Bəhram Xəlilov illərdir, son struktur birləşməsindən sonra müavini olduğu Məleykə Abbaszadə qədər şanslı və ictimai rəy qarşısında hörmətli, nüfuzlu maarifçi personaya, üstəlik dövlətçilik adamına  çevrilə bilmir.  Şəffaf test sistemi ilə böyük sayda evlərə sevinci simvolizə edən tələbə biletləri, diplomlar gedib çıxsa da,  eyni imtahan qaydasına rəğmən,  ailələr əmək kitabçasının, əmək haqqı kartının məmnunluğunu yaşaya bilmir.  Məleykə Abbaszadənin adı keçən evlər həddən ziyadə,  Bəhram Xəlilovun ismini bilməyən ziyalı ailələr  kifayət çoxdur.  

Nə üçün? Çünki dövlət işinə qəbulda məlum şəxsin fəaliyyət dairəsi dövlət postları ilə əlaqəlidir  və bu postların başında dayanan fiqurlar o qədər güclü,  ədalətsizliklərə, qanunsuzluqlara o qədər öyrəncəlidirlər ki,  Bəhram Xəlilovun  görmək istədiyi pozitiv işlər  üzə çıxmır, heç kəsə çörək  verə bilmir.  Onun ismi də , statusu da “çörək oğrusu”, başqasının haqqını qəsb edən məmurlarla mübarizəyə  yetmir.  

Dövlət işlərini bölüşdürmək ixtiyarını qeyri-qanuni əllərinə alan yüksək vəzifə sahibləri   faktiki onun fəaliyyətini, onun rəhbərlik etdiyi sahəni formal bir struktur halına salıblar. Birləşməzdən öncə də, birləşəndən sonra da.  

Hər il vakant yerlərə keçirilən imtahanlarda birinci pilləni yetərli sayda iştirakçı adlayır.  Bu etapda heç bir həyacan yaşamayanların ən böyük fobiyası ikinci mərhələdə-imtahanın müsahibə hissəsində başlayır. Çünki ədalətin bu hissədə itməsi, tar-mar olması hamıya məlum həqiqətdir.  Ümidin ətəyindən tutub, möcüzə gözləntisiylə müsahibə mərhələsinə addım atmaq hər dəfəsində  boşa çıxır. 

Test hissədə ədalətə xəyanət olmasa da,  müsahibə  hissəsi məhz qeyri-şəffaflıq üçündür-dolaşdırılma, əngəllənmə, “hər yoldan ötən”in dövlət işinə sarı gələ bilməməsi  burada  öz hökmünü verir.  Dövlət Qulluğu Komissiyasının rolu olmadan. Vakant yerlər nazirlərin, komitə sədrlərinin dost-tanış,  tapşırıq, rüşvət məqamları üçün daim beləcə boş  saxlamağa çalışdığı yerlərə çevrilir.

Dövlət Qulluğu Komissiyası təzə yarananda problem ondan ibarət idi ki,   dövlət strukturları boş yerləri imtahan prosesinə təqdim etmir, hər vəchlə müvafiq orqandan gizlətməyə çalışırdı.  Açıq irad və tənqidlərdən sonra siyahı komissiyaya verilsə də, şəfaflıq deyilən bir düzən formalaşmadı.  Növbəti biclik müsahibə mərhələsində işə düşdü, hər il imtahandan keçən  dövlət qulluğu həvəskarları bu sahədə peşəkarlıq xəyallarını böyük adamların ədalətsizliyinin, min cür oyunların, fırıldağın  qoynunda dəfn etməli oldu. 

Əgər  ekspriment üçün nazirlik və komitələrdən hər il imtahanlardan keçib vakant yerləri tutanların siyahısını istəsək, heç bir instansiya onun qanuni davranışlarını isbatlayan misallar bolluğunu ortaya qoya bilməz.  Əks təqdirdə ötən həftə Bəhram Xəlilov dövlət məmurlarının müsahibə mərhələsini  sobataj  etməsini cəsarətlə ifadə etmək məcburiyyətində qalmazdı.
 

Vəziyyətin anormallığı  ortadadır-bu cür şərəfli bir qurum yüksək post sahiblərinin ucbatından etibarsız bir nüfuz qazanır. Bu utanc mənzərəyə yeni yanaşma  tələbi diktə olunur.    

Bir qurumu saxtakar imicdə daha nə qədər saxlamaq olar ki?  Ya dövlət işinə qəbul tələbə qəbulu kimi tam şəffaf bir prosesdən keçməli, yəni,  müsahibə mərhələsi tamamilə  Dövlət Qulluğu Komissiyasının ixtiyarına  verilməli, ya da formallıq naminə biçarə gəncliyi aldadıb imtahan zallarına dönə-dönə gətirmək, onları məqsədyönlü dolaşıq suallarda imtahana çəkməkdənsə,  işə qəbul komissiyasını  tarixin arxivinə sarı ötürmək gərəkdir.

 

MÜƏLLİFİN DİGƏR YAZILARI
Xarici işlər nazirləri Bakıya gəlir 24 İyun 2021, 22:16 "Keşlə" portuqaliyalı futbolçu ilə müqavilə imzaladı 24 İyun 2021, 22:05 Göygöldə gənc qız sirkə turşusundan zəhərləndi 24 İyun 2021, 21:52 Con Sallivan Moskvaya qayıtdı 24 İyun 2021, 21:39 Vahid Ələkbərov yenidən “LUKoil”un prezidenti seçildi 24 İyun 2021, 21:25 Ceyhun Bayramov şahzadə ilə görüşdü 24 İyun 2021, 21:19 Bakıda federasiyanın sürücüsü küçədə döyülərək öldürüldü - FOTO 24 İyun 2021, 21:08 UEFA səfər qolu qaydasını ləğv etdi 24 İyun 2021, 20:57 Putin Ərdoğanla Qarabağı MÜZAKİRƏ ETDİ 24 İyun 2021, 20:43 ABŞ 53 min Əfqanıstan vətəndaşını üçüncü ölkələrdə yerləşdirəcək 24 İyun 2021, 20:35 Polisə müqavimət göstərən restoran sahibi həbs edildi - FOTO 24 İyun 2021, 20:19 Zelenski Rusiyaya qarşı sanksiyaları imzaladı 24 İyun 2021, 20:08 Gürcüstanda iki azərbaycanlı yeniyetmə göldə batıb – FOTO 24 İyun 2021, 19:42 “Vaksinasiya yoluxucu xəstəliklərlə mübarizədə  xilas yoludur” – Akademikdən ÇAĞIRIŞ 24 İyun 2021, 19:26 53 əfqan hərbçi Özbəkistan ərazisinə keçib 24 İyun 2021, 19:09 Prezident ona polis general-mayoru ali xüsusi rütbəsi verdi 24 İyun 2021, 18:56 Paylayıcı qutunu yararsız hala salındı, yol qəzası baş verdi – FOTO 24 İyun 2021, 18:54 Mətbuat Şurasından xarici media qurumlarına MÜRACİƏT 24 İyun 2021, 18:51 Komitə iclasında 4 məsələ müzakirə olunub 24 İyun 2021, 18:45 Gömrük Əməkdaşlıq Şurasının 138-ci sessiyası keçirilir 24 İyun 2021, 18:42 Müdafiə Nazirliyinin hərbi qulluqçuları təltif edilib – SİYAHI 24 İyun 2021, 18:37 Şəhriyar Məmmədyarov ilk dəfə Harri Kasparovla qarşılaşacaq 24 İyun 2021, 18:30 Putin Paşinyanı seçkilərdə qələbə münasibətilə təbrik etdi 24 İyun 2021, 18:22 Britaniya səfiri Rusiya XİN-ə çağırıldı 24 İyun 2021, 18:15 Sahibə Qafarova BMT-nin Azərbaycandakı rezident əlaqələndiricisi ilə görüşüb 24 İyun 2021, 18:08 Ermənilər Tovuz istiqamətində mövqelərimizi atəşə tutdu - Rəsmi 24 İyun 2021, 18:00 Tikinti şirkəti BNA-nin avadanlığını yararsız hala saldı 24 İyun 2021, 17:55 “Hərbi xidmətlərə görə” medalı ilə təltif  olunan hərbçilərin SİYAHISI 24 İyun 2021, 17:50 Xocavənddə yolda ermənilər tərəfindən basdırılmış minalar aşkarlandı 24 İyun 2021, 17:44 Şadlıq saraylarında kondisionerlərin işləməsinə məhdudiyyət qoyulub? - Rəsmi cavab 24 İyun 2021, 17:38 Əhalinin banklardakı əmanətləri artıb 24 İyun 2021, 17:32 İlham Əliyev döyüşdə fərqlənən hərbçiləri TƏLTİF ETDİ 24 İyun 2021, 17:26 UEFA səfər qolu qaydasını ləğv etdi - RƏSMİ 24 İyun 2021, 17:20 Dolların məzənnəsi sabit qaldı 24 İyun 2021, 17:14 “Cəsur döyüşçü” medalı alanların SİYAHISI 24 İyun 2021, 17:02
SORĞU AVRO-2020-nin qalibi hansı komanda olacaq?