18 Yanvar 2021, 15:41 | Ana Səhifə - Yazılar - Şuşaya qədəm atan DÖVLƏT
Şuşaya qədəm atan DÖVLƏT

Elman Babayev

Azərbaycan tarixi bir gün yaşadı. 30 ilə yaxın davam edən işğala son verilməsinin ardınca Azərbaycan Prezidenti Qarabağın tacı Şuşaya səfər etdi.

Bu səfər böyük intizarla gözlənilirdi. Şuşanın əzəməti nədirsə, Ali Baş Komandanın qalib bir görkəmdə, dövlətin birinci şəxsi kimi o diyara ayaq basması da eynən əzəmətli bir hadisədir.

Prezident İlham Əliyev ilk dəfə deyildi ki, Şuşada olurdu. 39 il bundan öncə məhz yanvarın 14-də Şuşaya edilən səfər bizə məşhur fotolardan bəllidir. Atası ilə birgədir. 1982-ci il yanvarın 14-də Ümummilli lider Heydər Əliyevin təşəbbüsü ilə inşa edilmiş Molla Pənah Vaqifin məqbərəsinin açılış mərasimində.
O zaman O, olduqca gənc, dövlət idarəçiliyi məsələlərini kənardan izləyən bir siyasət insanı idi. O zaman dövlətin sözünü deyən Heydər Əliyev idi, O isə öyrənirdi. Bu gün həmin yerdə dövlətin sözünü deyən Odur! Mübarizəsini aparan Odur! Qalib Odur! Bu gün həmin yerdə Müzəffər Ali Baş Komandan, müstəqil ölkənin Prezidenti kimi dayanıb, o vaxtkı fotonu əlində nümayiş etdirərkən İlham Əliyev düşmənə, onun havadarlarına çox gözəl bir cavab verdi - Şuşa öz sahiblərinin əlindədir! Bu, əsla yuxu deyil, xəyal deyil, gerçəkdir: Şuşa azaddır! Şuşa üçün dövlətin atacağı  konkret, sürətli, hərtərəfli inkişafı özündə ehtiva edən proyektlər var! Dövlətin rəsmən orada görünməsi, səslənən mühüm bəyanatlar Şuşanın yenidən doğulma günü idi! İlham Əliyev aydın hiss etdirdi ki, bu səfərin dövlət rəhbəri olmaqdan başqa, onun üçün bir vətəndaş, bu torpağın övladı kimi ayrıca bir sevinci var. Gecəni necə yatmağı, Şuşadan getmək istəməməyi duyğusal kəlmələrdir və Prezidentin yaşadığı hiss-həyacanı cəmiyyətə kövrək notlarda anladır.

İlham Əliyevin atasıyla Şuşaya olan səfəri və bu səfər arasında paralellik ona görədir ki, hər ikisində cəsarətli məqamlar var. Sovet dövründə Qarabağ xanının vəziri olmuş insanın, Molla Pənah Vaqifin qəbrinin olduğu yerdə məqbərə ucaltmaq özü olduqca cəsarətli bir addım idi. Prezident səfəri zamanı o tarixi anı ona görə xatırlatdı ki, Heydər Əliyevin rəhbərliyi dövründə Azərbaycan bu cəsarəti bacarmışdı.

Bu gün Şuşanın erməni tapdağından qurtarılması da cəsarət, güc, iradə və ağılın sayəsində əldə olunan zəfərdir. Baxmayaraq ki, O, özünün də dediyi kimi, Azərbaycanın rəhbəri olaraq heç vaxt Şuşaya gələ bilmədi. Şuşa düşmənin əsarətində qalmasaydı, sözsüz İlham Əliyevin bu diyarda inşasında iştirak edəcəyi nə qədər elmi, mədəni, sosial, iqtisadi müəssisələr ola bilərdi. Təbii ki, bundan sonra Şuşada atılacaq cəsarətli, lazımlı addımlarda İlham Əliyevin imzası görünəcək: Vaqif Poeziya Günləri bərpa ediləcək, “Xarı bülbül” festivalı keçiriləcək və daha neçə-neçə  mədəni tədbirlərin səsi-sorağı dumanlı dağları olan gözəl yurddan gələcək.

İlham Əliyev prinsipialdır - O, Şuşanı tikəcək. Qətiyyətlidir - O, yeniliyin və köhnəliyin sintezindən gözəl bir Şuşa yaradacaq! Çünki İlham Əliyev Şuşaya olan həssaslığını, sevgisini səsinin tonundakı kövrəklikdə, düşmənə nifrətini anladan qəzəbində bizlərə göstərib, sübut edə bilib. Bu gün bir daha etdi.

Bu gün hər bir azərbaycanlı azad Şuşanı Prezidentlə birlikdə, tamam ayrı bir duyğuda qürurla seyr etdi. Cıdır düzündə dayanan Paşinyan yox, bu torpağın ÖZ OĞLU idi! Vaxtilə təhqir olunan, dağıdılan, sürgün edilən istedadların büstləri gözəl bir halda öz yerinə qayıtmışdı. Prezidentin baxışlarında o qürur daha aydın sezilırdi. Ona görə ki, qədim Azərbaycan yurdunun azad edilməsi onun rəhbərliyi ilə Azərbaycan Ordusunun parlaq qələbəsinin ən möhtəşəm səhifəsidir. Şuşa Zəfərinin arxasında təkcə peşəkar ordu dayanmırdı. Onun üçün milli ruh, milli qürur da savaşırdı. Sonunda Şuşa öz sahiblərinin etibarlı əlindədir. Daha bir son İlham Əliyevin Azərbaycanın dövlət bayrağını ucaltması, 30 il erməni nəfəsi ilə murdarlanan, erməni bayrağı ilə haqsızlığa uğrayan Şuşada Azərbaycan dövlətinin simvollarının görünməsi oldu.

Prezident dövlətin simvoludur, demək ki, Şuşaya dövlət qədəm atdı, demək ki, orda “son” olan kəlməsi yoxdur, əslində. Orda hər gün, hər zaman hər şey gözəl bir başlanğıc olacaq. Orda hər şey yeni başlayır. Bu gün biz nəsillərin, sabah gələcək nəsillərin əliylə. Gələcək nəsillər Xurşidbanu Natəvanın, Üzeyir Hacıbəylinin, Bülbülün böyük mədəniyyət, istedad, mənəvi xəzinə olan büstlərinə yaşadığımız hadisələrdən öyrənərək sahib çıxacaq və o yurdu necə qorumaq, nə üçün qorumaq lazım olduğu bugündən öyrənib, mirasa çevirəcək.

MÜƏLLİFİN DİGƏR YAZILARI
Bayden Ermənistan və Azərbaycanı danışıqlara çağırdı 5 Avqust 2021, 03:54 İldırım toy mərasiminin 16 iştirakçısını vuraraq öldürdü 5 Avqust 2021, 01:00 “Futbolçular daha peşəkar davranmalıdırlar” - Qurban Qurbanov 5 Avqust 2021, 00:55 FHN Türkiyəyə göndəriləcək üçüncü qrupla bağlı məlumat YAYDI 5 Avqust 2021, 00:49 Tokio-2020-də medal sıralaması 5 Avqust 2021, 00:38 Azərbaycanda yeni musiqi aləti yaradıldı - VİDEO 5 Avqust 2021, 00:27 “Yanğınların söndürülməsinə dəstək olan ən önəmli ölkə Azərbaycandır” 5 Avqust 2021, 00:19 Azərbaycan daha 20 ölkə ilə sərhədlərini açdı 5 Avqust 2021, 00:08 Daha iki idmançımız mübarizəyə BAŞLAYIR 4 Avqust 2021, 23:59 Azərbaycan ABŞ-a qoyduğu bu qadağanı ləğv etdi 4 Avqust 2021, 23:48 Şəhriyar Məmmədyarov mübarizəni dayandırdı 4 Avqust 2021, 23:39 “Ciyərlərimizi yandıranların ciyərlərini yandıracağıq” - Ərdoğan 4 Avqust 2021, 23:28 Türkiyədə yanğın İES ərazisinə daxil oldu - VİDEO 4 Avqust 2021, 23:19 Türkiyədə yanğınlarla mübarizə davam edir - VİDEO 4 Avqust 2021, 23:09 Türkiyədə 1 ailəni qətlə yetirən şəxs tutuldu - FOTO 4 Avqust 2021, 22:58 Canlı yayında intihara cəhd edən qazi xəstəxanaya yerləşdirildi 4 Avqust 2021, 22:48 İraqdakı ABŞ hərbçilərinə hücum edilib 4 Avqust 2021, 22:39 Dənizdə batma təhlükəsi ilə üzləşən 5 nəfər xilas edildi 4 Avqust 2021, 22:28 Daşkəsən sakininə balta ilə xəsarət yetirildi 4 Avqust 2021, 22:17 Azərbaycandan Türkiyəyə dəstək üçün yeni heyət göndərilir 4 Avqust 2021, 22:08 Ukraynada azərbaycanlı gənc qətlə yetirildi 4 Avqust 2021, 21:59 Bu regionlarında böyrək daşı xəstəliyi daha geniş yayılıb 4 Avqust 2021, 21:48 Türkiyədə koronavirusla bağlı son vəziyyət 4 Avqust 2021, 21:39 Azərbaycanda valyuta ehtiyatlarının artımı proqnozlaşdırılır 4 Avqust 2021, 21:29 Bu ölkədə 3 yaşdan yuxarı uşaqlara da vaksin vurulacaq 4 Avqust 2021, 21:18 Türkiyədə yanğına görə daha bir nəfər həbs edildi 4 Avqust 2021, 21:08 Şokoladın səbəb ola biləcəyi xəstəliklər 4 Avqust 2021, 20:59 Bakı əhalisi ərzağa milyardlar xərcləyir 4 Avqust 2021, 20:48 MİQ üzrə müsahibə nə vaxt başlayacaq? 4 Avqust 2021, 20:39 Karantin qaydalarını pozan toy sahibləri CƏRİMƏLƏNDİ 4 Avqust 2021, 20:26 Bu gün 68 mindən çox vaksin vurulub 4 Avqust 2021, 20:14 Azərbaycanda yoluxma 1000-ə çatır - 5 nəfər öldü 4 Avqust 2021, 20:08 YAP-a birləşən bu partiyaların nümayəndələrinə üzüvlük vəsiqləri verilib 4 Avqust 2021, 20:00 Qətlə yetirilən Sevincin uşaqlarının aqibəti məlum oldu 4 Avqust 2021, 19:51 Ərdoğan Baxçalını evində ziyarət etdi 4 Avqust 2021, 19:40