Əfqanıstan hökumətinin media və məlumat mərkəzinin rəhbəri Dava Xan Menapalın ölümünə görə məsuliyyəti "Taliban" qiyamçıları öz üzərinə götürüb.
Modern.az xəbər verir ki, bu barədə “Reuters” agentliyi yerli mənbələrə istinadən yazıb.
Əfqanıstan Daxili İşlər Nazirliyi Menapalın cümə namazı zamanı öldürüldüyünü bildirib.
Öldürülən hökumət rəsmisi Əfqanıstan Prezidenti Əşrəf Qaninin yardım qrupunda mətbuat katibi olaraq da çalışıb.
ABŞ-ın müvəqqəti işlər vəkili Ross Uilson tvitterdə Menapalın öldürülməsini pisləyib.
