Almaniya Xarici İşlər Nazirliyi daha 30-40 almanın Qəzza sektorunu tərk edə bildiyini bildirib.
Modern.az xəbər verir ki, Almaniyanın xarici işlər naziri Annalena Berbok G7 ölkələrinin Tokioda keçirilən iclasında 30-dan çox Almaniya vətəndaşının Fələstin anklavını tərk edə bildiyini açıqlayıb.
Ümumilikdə, Yaxın Şərqdə müharibə başlayandan bəri 50-dən çox alman artıq Qəzza zolağını tərk edib. Misir kəşfiyyatındakı mənbələr bir gün əvvəl 100 misirli də daxil olmaqla 300-dən çox əcnəbinin Qəzza zolağını tərk etdiyini bildirib.
Gözlənilir ki, bu gün digər ölkələrin yüzlərlə vətəndaşı, eləcə də iki pasportu olan fələstinlilər "Rəfah" keçid məntəqəsindən Misirə gedə biləcəklər.
