Sabirabad rayonunda ailənin xəsarət alması ilə nəticələnən yol-nəqliyyat hadisəsi baş verib.
Modern.az-ın məlumatına görə, hadisə Qəfərli kəndi ərazisində qeydə alınıb.
Rayon sakini, 1988-ci il təvəllüdlü Yusif Rasim oğlu Fərzəliyev idarə etdiyi “Nissan” markalı avtomobili yolun kənarına aşırıb.
Qəza nəticəsində sürücü, onun həyat yoldaşı – 1999-cu il təvəllüdlü Mahirə Mahir qızı Fərzəliyeva və 2019-cu il təvəllüdlü övladları müxtəlif dərəcəli xəsarətlər alıblar.
Yaralılar Sabirabad Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
