Azərbaycan millisinin hücumçusu və Almaniyanın "Kayzerslautern" klubunun futbolçusu Mahir Emreli karyerasını İsraildə davam etdirməyəcək.
Modern.az Report.az-a istinadən xəbər verir ki, 29 yaşlı forvard "Makkabi" (Hayfa) klubundan gələn təklifi qəbul etməyib. Bildirilir ki, futbolçu İsrail təmsilçisinin heyətinə qoşulmaq istəməyib.
Ötən mövsüm II Bundesliqada çıxış edən Emreliyə Kiprin APOEL klubu da maraq göstərir. Hazırda tərəflər arasında danışıqların davam etdiyi və yaxın vaxtlarda transferin rəsmiləşə biləcəyi qeyd olunur.
Xatırladaq ki, Mahir Emrelinin "Kayzerslautern"la müqaviləsi 2028-ci ilin yayına qədər qüvvədədir.
