Arxiv
4 Yanvar 2019, 12:10 | FOTOSÖHBƏT
Əməkdar jurnalist Əli İldırımoğlu ilə FOTOSÖHBƏT

Modern.az saytı nasir, publisist və əməkdar jurnalist Əli İldırımoğlu ilə FOTOSÖHBƏT layihəsini təqdim edir. 

 

Əli İldırımoğlu (Məmişov) 1927-ci il noyabr ayının 17-də Qubadlı rayonunun Əliquluuşağı kəndində rəncbər ailəsində anadan olub. O, orta məktəbin VIII sinifdə oxuyarkən 1941-1945-ci illəri əhatə edən Böyük Vətən Müharibəsi başlayır. VIII-IX siniflərdə çoxluq təşkil edən və əsgərlik yaşına çatmış oğlanlar müharibəyə cəlb olunduğundan həmin siniflər tədris fəaliyyətini dayandırıb. Məktəbin direktorluğu onun fəal şagird olduğunu nəzərə alıb, birbaşa qızların çoxluq təşkil etdiyi və bu səbəbdən tədrisi davam etdirilən X sinfə keçirir. Beləliklə, Əli İldırımoğlu VIII sinfi başa vurub, IX sinifdə oxumadan, birbaşa X sinfə keçir və həmin orta məktəbi müvəffəqiyyətlə bitirir.

Müharibənin gedişi ilə əlaqədar olaraq, həmin illərdə kəndlərdə müəllim qıtlığı yaranır. Ona görə də elə həmin il Əli İldırımoğlu Şuşa şəhərində açılmış müəllim kadrları hazırlayan iki aylıq kursa göndərilib. Kursu bitirdikdən sonra 1941-1942-ci dərs ilində ilk dəfə olaraq Məlikəhmədli kənd ibtidai məktəbində sinif müəllimi kimi əmək fəaliyyətinə başlayır. Ə.İldırımoğlu 1946-cı ilə qədər Qubadlının Xıdırlı, Novlu, Xəndək kəndlərində ibtidai, Teymurmüskanlı kəndində yeddiillik məktəbdə müəllim işləyib.

1955-ci ilin yanvar ayından 1991-ci ilin sonuna qədər "Kommunist" qəzetinin xüsusi müxbiri kimi Naxçıvan, Qarabağ, Dağlıq Qarabağ, Mil-Muğan, Sumqayıt-Quba zonaları üzrə fəaliyyət göstərən Ə. İldırımoğlu qəzetdə qeyri-normal mühit yarandığından öz təşəbbüsü ilə "Həyat" qəzetinə işə keçib. İl yarım həmin mətbu orqanda (Abşeron, Sumqayıt, Dəvəçi, Quba, Qusar, Xaçmaz rayonlarında) eyni vəzifədə işlədikdən sonra ərizəsi ilə təqaüdə çıxıb.

Müsahibimiz yüzlərlə oçerk, felyeton, hekayə və povestdən ibarət olan "Yazım-yazmayım", "Mayaklar", "Telepat", "Çinarlı", "Dərd", "Silinməz izlər" kitablarının, "Həmin adam", "Közərən sətirlər", "Mənim rəncbər atam'", iki hissədən ibarət olan "Zorən jurnalist", "Aqibət", "Qarlı gecələr", "Daş yağan gün" romanlarının müəllifidir.

"Zorən jurnalist" romanının birinci hissəsi ("Eşq, qələm və qovğa" adı altında), "Mənim rəncbər atam", "Aqibət" romanları türk dilinə, "Aqibət" romanı rumın dilinə tərcümə edilib, böyük tirajla nəşr olunub. "Mənim rəncbər atam" romanı isə İranda ərəb əlifbası ilə nəşr olunub.

Qocaman jurnalist beş övlad atasıdır. Oğlanlarından Yusif İldırımzadə hüquqşünasdır, həm də elmlər namizədidir. Yunis İldırımzadə "Əmrahbank"ın prezidentidir. Rasim İldırımzadə polis əməkdaşıdır, polkovnikdir. Nazim İldırımzadə isə həkimdir. Qızı Səadət İldırımzadə filologiya elmləri namizədidir. Həyat yoldaşı Şəfiqə xanım Müəllimlər İnstitutunu bitirib, dünyasını dəyişib.
 

Atam, İldırım Məmişov. Mənim atam sadə kəndli olub. Onun haqqında xatirələrimdən bəhs edən “Mənim rəncbər atam” adlı kitab da yazmışam. 

Bu isə anamdır. Mən onu çox kiçik yaşlarımda itirmişəm. 

Atam və kənddəki qohumlarımızla bir yerdəyəm. Bu şəkil Qubadlı rayonu, Əliquluuşağı kəndində yerləşən evimizdə çəkilib. Tarixi yadımda deyil. 

Bu da çox uzun illərin şəklidir. Əliquluuşağı kəndində yerləşən evimizdə çəkilib. Əmim oğlu, onun həyat yoldaşı və digər qohumlarımızla birlikdə yığılmışdıq. Mən kəndə gedəndə həmişə dostlar, qohumlarla belə şən yığıncaqlarımız olurdu. Şəklin neçənci ildə çəkildiyi yadımda deyil, amma bilirəm ki, atam da yaşayırdı. 

Həyat yoldaşımla birlikdəyəm. Soldakı şəkil evlənəndən bir il sonra çəkilib. Sağdakı isə keçən əsrin sonları olmalıdır. 

Bu, qızım Səadətdir. Xadırladım ki, mənim beş övladım var – 4 oğul, bir qız atasıyam. Mən övladlarıma qarşı çox tələbkar və sərt olmuşam. Hamısı yüksək təhsil alıblar, vəzifəlidirlər. 

Qızım və oğlumla birlikdə... 

Təxminən 1958-60-cı illərdə Naxçıvanda yeni televiziya qülləsi tikilmişdi. Mən orada yaşadığımız evimizin balkonunda dayanıb, həmin qülləyə tamaşa edirdim. Təsadüfən çəkilib. İkinci şəkildə yanımda dayanan isə oğlum Rasimdir. 

1967-ci ildə Yessentuki şəhərində çəkilib. Sovet dövründə tez-tez "putyovka" alırdıq. İldə ən azı bir dəfə Yessentukidə yerləşən sanatoriyaya gedirdim. Həm bu şəhərin özünü, həm də sanatoriyanı çox sevirdim. 

Təxminən 30 il bundan əvvəlin şəkli olar. Yessentukidə sanatoriyada çəkilib. Digər şəkildə isə həmin sanatoriyanın yeməkxanasından çıxıb, pilləkanlardan aşağı düşürdük. 

Qubadlıda çəkilib. Solumda dayanan Qubadlının birinci katibi Kamal Ağayevdir. O sonralar Cəbrayıl rayonunun birinci katibi vəzifəsində çalışıb.  

Qubadlı rayonunun birinci katibi Zöhrab Mamedovla rayonumuzdayıq. Bulaq başında əyləşib, su içə-içə söhbət edirdik. 

Dostum, Bakı şəhər prokuroru Şükür Rzayevlə. Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayevin atasıdır. Rəhmətə gedib. 

Bu şəkil mənim Ağdamdakı kabinetimdə çəkilib. 1955-ci ilin yanvar ayından 1991-ci ilin sonuna qədər "Kommunist" qəzetinin xüsusi müxbiri kimi müxtəlif bölgələrdə - o cümlədən Ağdamda çalışmışam. Toplasaq, 17 il Ağdamda yaşamışam. 

Prokuror dostum Abbas Əliyevlə. 

 

Lap çoxdan çəkilmiş şəkildir. Səhv etmirəmsə, Naxçıvan, Xalxal kəndi ərazisində çəkilib. Şair dostlarımızla istirahətə getmişdik. Soldan Əliağa Kürçaylı, mən, Adil Babayev, aşağı oturan isə İslam Səfərlidir. 

Bu şəkil də sanatoriyada çəkilib. Təxminən 1980-ci illərin əvvəlləri olmalıdır. 

Bu şəkil Quba rayonunda çəkilib. 1993-1994-cü illərə təsadüf edir. Yanımda dayanan isə Qubanın o zamankı icra başçısıdır. 

Quba rayonudur. Təxmini 1980-ci illərin əvvəli olmalıdır. Soldan birinci Sadıq Səlimov, mən, jurnalist – adını xatırlamıram və Heydər Əliyevin böyük qardaşı Hüseyn Əliyev. Bildiyiniz kimi, Hüseyn Əliyevin nəvəsi Ədalət Əliyev hazırda Lider TV-nin rəhbəridir.   

Soldan birinci mən, Arif Rəhimzadə, Bayram Bayramov, Süleyman Ələsgərov. Arif Rəhimzadə əvvəllər Qubanın birinci katibi idi. O dövrdən indiyə kimi Heydər Əliyevi ən çox müdafiə edənlərdən biridir. 

Güman edirəm ki, bu şəkil mənim doğum günü tədbirlərimin birində çəkilib. Sağ tərəfimdə əyləşən Süleyman Ələsgərovdur. Biz onunla çoxdanın dostu idik. 

Soldan başlaya: mən, Süleyman Ələsgərov, Bayram Bayramov və İman Abdullayev. Onların hər biri mənim yaxın dostlarım olublar. 

Oğlum Yusif və həyat yoldaşım Şəfiqə. Həyat yoldaşım müəllim idi. O, dünyasını dəyişib.   

Bu şəkil deyəsən, hansısa ad günündə çəkilib. Nəvələrimdir. Onu da deyim ki, mənim 13 nəvəm, 9 nəticəm var.  

Nəvələrimlə birlikdə... Bu şəkil bəlkə də 20 il əvvəl çəkilib. Sol tərəfimdə dayanan nəvəm artıq ailə qurub, övladları da var. Sağımdakı oğlan nəvəm isə hazırda idmançıdır. Azərbaycanı dünyada təmsil edir. 

Xalq artisti Rasim Balayevlə olan bu şəklimiz tədbirlərin birində çəkilib. O bizim ailəvi dostumuzdur. 

Bu, yubileylərimin birində çəkilib. Xalq yazıçısı Anar məni təbrik edir. Bizim Anarla çox tədbirdən şəkillərimiz var. 

Bu şəkildə Mərdəkanda yerləşən bağ evimizdəyik. Övladlarım və nəvələrim birlikdə vaxt keçirmək üçün məni də tez-tez bağa aparırlar. Çox güman ki, çərşənbələrin birində çəkilən şəkildir. Ətrafımdakılar ailə üzvlərimdir.

BU KATEQORİYADAN OLAN DİGƏR XƏBƏRLƏR
+ Arxiv
“Tufan“ adlı solo konserti keçirilib - FOTO 6 Dekabr 2019, 19:29 Əli Əsədov Dünya Bankının regional direktoru ilə görüşüb 6 Dekabr 2019, 19:18 Xaçmazda minik maşını ilə yük maşını toqquşub, ölənlər var 6 Dekabr 2019, 19:09 Azərbaycan gündəlik neft hasilatını 7 min barrel azaldacaq   6 Dekabr 2019, 19:00 AFFA “Qəbələ”yə maddi yardım edəcək? 6 Dekabr 2019, 18:50 Hesablama Palatasının Təlim Mərkəzi açılıb 6 Dekabr 2019, 18:40 “Cahana sığmayan şair” adlı tədbir keçirilib - FOTO 6 Dekabr 2019, 18:29 AzMİU ilə “PMD Projects” arasında müqavilə imzalanıb - FOTO 6 Dekabr 2019, 18:23 Gömrük Akademiyası da ağacəkmə kampaniyasına qoşuldu 6 Dekabr 2019, 18:17 Bu gün Azərbaycanda 650 mindən çox ağac əkilib 6 Dekabr 2019, 18:17 Rüstəm Xəlilov icra başçısı kimi sakinlərlə ilk görüşünü keçirib - FOTO 6 Dekabr 2019, 18:10 Təhsil Nazirliyinin əməkdaşları autizm sindromlu uşaqlarla görüşdülər 6 Dekabr 2019, 18:02 “Parlament siyasət meydanıdır” - Sədr müavini  6 Dekabr 2019, 17:57 Manatın üçgünlük məzənnəsi açıqlanıb 6 Dekabr 2019, 17:56 Dövlət Gömrük Komitəsi “Elektron növbə” layihəsinin tətbiqinə başladı 6 Dekabr 2019, 17:48 BMU-nun tələbəsi Azərbaycan üzrə birincilik qazanıb   6 Dekabr 2019, 17:46 Ağac əkimi Nəsimi ruhuna ehtiram, ekoloji tarazlığa töhfədir 6 Dekabr 2019, 17:38 Binəqədidə ağacəkmə aksiyası keçirilib - FOTO 6 Dekabr 2019, 17:34 Brüsseldə Avropa Parlamenti deputatlarının Qarabağa səfərinə ETİRAZ EDİLİB 6 Dekabr 2019, 17:33 Sosial xidmət layihələrində 1600-ə yaxın şəxs çalışır - Nazirlik 6 Dekabr 2019, 17:30 Nazim Bəydəmirli yenidən deputat olmaq niyyətindədir 6 Dekabr 2019, 17:27 MSK-dan növbədənkənar parlament seçkisi AÇIQLAMASI 6 Dekabr 2019, 17:10 Prezident və birinci xanım gənclərlə selfi çəkdirdilər - FOTOLAR 6 Dekabr 2019, 16:57 İstirahət günləri üçün hava PROQNOZU 6 Dekabr 2019, 16:54 Daşnaklar Paşinyana qarşı partizan müharibəsinə HAZIRLAŞIR 6 Dekabr 2019, 16:51 “Məni bu sahəyə kimya müəllimim həvəsləndirdi” - Olimpiadalar qalibi 6 Dekabr 2019, 16:49 Bakıdan Cəlilabada gedib ev yardılar - FOTO   6 Dekabr 2019, 16:48 Beynəlxalq və ölkədaxili sərnişin qatarlarının hərəkət cədvəli dəyişdirilir 6 Dekabr 2019, 16:44 Əkrəm Əylisli: “Mənim barəmdə prezidentə yalan informasiyalar veriblər” - MÜSAHİBƏ 6 Dekabr 2019, 16:42 2022-ci ildən Bakıda yalnız sıxılmış qazla işləyən avtobuslar işləyəcək   6 Dekabr 2019, 16:38 Ermənistan Azərbaycanı bəzi yerli su mənbələrində məhrum edib - Qorxmaz Hüseynov 6 Dekabr 2019, 16:25 “Bir gün ərzində 650 min ağacın əkilməsi böyük nəticədir” - Cavid Osmanov 6 Dekabr 2019, 16:20 Merkel Putin və Zelenski ilə görüşəcək 6 Dekabr 2019, 16:13 Diaspor rəhbəri Bratislavada ATƏT-in tədbirinə qatılıb 6 Dekabr 2019, 16:12 “İcmalar oyununa getməyək” – Eks-nazirdən ÇAĞIRIŞ 6 Dekabr 2019, 15:39
SORĞU Azərbaycan TV-lərində bu verilişlərdən ən çox hansına baxırsınız?