Arxiv
25 Aprel 2019, 15:27 | PARLAMENT
Deputatlardan “İçərişəhər”lə bağlı ETİRAZ: “Kimin nə həddi var ki...”

”İçərişəhər” mövzusu medianın və sosial şəbəkələrin gündəmini zəbt edib. “İçərişəhər” Qoruğu ərazisindəki Kiçik Qala küçəsində - Qala divarlarının qarşısında başlanan tikinti işləri vətəndaşlar, xüsusilə də sosial şəbəkə istifadəçiləri tərəfindən narazılıqla qarşılanıb. Hətta oradan çəkilmiş şəkillər sosial şəbəkələrdə paylaşılandan sonra vətəndaşlar 11 may tarixinə Qala divarlarının qorunması tələbilə aksiya təyin ediblər. Artıq bəzi tanınmış simalar bəribaşdan aksiyaya qatılacaqlarını elan ediblər. “İçərişəhər” Dövlət Tarix-Memarlıq Qoruğu İdarəsinin yerləşdiyi rayonun – Səbailin deputatı Şəmsəddin Hacıyev ”İçərişəhər” mövzusunda Modern.az-a danışıb. O vurğulayıb ki, İçərişəhər qoruq ərazisi olduğundan çox ciddi şəkildə qorunur. Ş.Hacıyevin sözlərinə görə, orada heç kim özbaşına tikinti apara bilməz:

“Bu ərazi, tarixi abidəmiz hətta ölkə rəhbərliyinin nəzarətindədir. İnanmıram ki, kimsə orada özbaşına tiikinti işləri aparsın, hər hansı obyekt ucaltsın. Ora Bakı şəhərinin ən görkəmli yeridir. Bakıya gələn turistlər hamısı İçərişəhərə axın edirlər. Son illərdə isə tamamilə siması dəyişilib, çox gözəlləşdirilib. Davamlı təmir, restavrasiya işləri aparılır. Hər hansı tikinti həyata keçirilsə belə, Qala divarlarına toxunmaq mümkün deyil.

İqtisad Universitetində rektor işlədiyim vaxtda müşahidə etmişdim. Qala divarlarına bitişik tikililər var idi, onlar hamısı söküldü, qala divarları restavrasiya olundu. Çox gözəl görünüş aldı. Təxminən 300-400 metrə yaxın Qala divarı müxtəlif tikililərlə bağlanmışdı, yaxşı görüntüdə deyildi. Prezidentin göstərişi ilə onlar restavrasiya edilib, tarixiliyinə qaytarıldı”.

Deputat onu da əlavə edib ki, İçərişəhərdə hər hansı prosedur aparılanda Bakı Meriyasının peşəkar mütəxəssisləri də iştirak edirlər:

“Abidənin qorunması üçün işlər görülür. Kimin nə həddi var ki, Qala divarlarını söküb dağıtsın?! Meriyanın restavrasiya etmək üçün xüsusi idarəsi var və bu, birbaşa onların nəzarəti altındadır. Orada nə isə tikmək, Qala divarlarına ziyan vermək elə-belə məsələ deyil, buna çox ciddi yanaşılır”.

Deputat Fazil Mustafa İçərişəhər tarixi qoruğuna, Qala divarlarına ziyan vurulmasının əleyhinə çıxış edib:

“Mən İçərişəhərlə bağlı fikrimdə qalıram. Qala divarlarının dağıdılması, tarixi abidəyə hər hansı ziyan vurulması qətiyyən yolverilməzdir. Hesab edirəm ki, bu məsələyə ciddi yanaşılmalıdır. Əgər iddia edildiyi kimi, fotolar köhnədirsə, heç bir ziyandan söhbət getmirsə, ora QHT nümayəndələrini, ictimaiyyət adamlarını, medianı dəvət edib, məsələni aydınlaşdırmaq lazımdır. Bu məsələdə laqeydlik etmək, ictimaiyyətin fikrini ciddiyə almamaq  düzgün deyil”.

Deputat Tahir Kərimli də İçərişəhərlə, tarixi abidələrimizə ziyan vurulması ilə bağlı kəskin mövqedədir. O vurğulayıb ki, millət öz tarixi ilə yaşayır:

“Turistlər gələndə Qala divarlarını göstərib fəxr edirik ki, dövlətçiliyimiz, mədəniyyətimiz, zəngin keçmişimiz var. Bu abidələr dövlətimizin atributlarıdır. Nə dərəcədə manqurt olasan ki, tariximizə bağlı olan abidələrin üzərindən xətt çəkəsən. Tək İçərişəhər deyil, çox yerlərdə kapital, obyekt tikmək xətrinə dəyərli nə varsa dağıdırlar, tamaha görə millətimizin keçmişini qurban verirlər. Elə insanlar var ki, onlar üçün nə dövlət, nə millətin tarixi maraqlıdır, ancaq şəxsi mənfəətlərini düşünürlər. Mən hüquq-mühafizə orqanlarına təklif edirəm ki, məsələni araşdırsınlar. Tarixi abidələrimizlə bu cür davrananlar hüquqi məsuliyyətə cəlb olunmalıdır. Belə hara gedirik?”.

Tahir Kərimli hətta son illərdə İçərişəhərdə həyata keçirilən restavrasiya işlərini də qonayıb:

“Müstəqillikdən sonra İçərişəhərdəki köhnə tikililərin yerinə uyğun olmayan binalar tikməyə başladılar. Axı bu bizim dövlətçiliyimiz birliyimizdir. Sizə bir söz deyim, millətimizin də özünüdərki zəifdir. Nəyə görə içərişəhərlilər icma yaratmırlar? Hamısı yığışıb, bir icma yaratsın, özləri qərarlar qəbul etsinlər, dövlətə təkliflər versinlər. İçərişəhərin qorunmasını müdafiə etsinlər. İçərişəhərdə ictimai özünüidarə olmalıdır, abidə kimi onu qorumalıyıq. Mən əminəm ki, tarixi abidələrimizə əməlli-başlı ziyan vurulur. Üstəlik bu birinci hal deyil. Ona görə, müvafiq orqanların hüquqi məsuliyyət məsələsini ortaya qoymasını vacib hesab edirəm”.

BU KATEQORİYADAN OLAN DİGƏR XƏBƏRLƏR
+ Arxiv
Putin G7 sammitinə gedir 25 Avqust 2019, 17:20 Türkiyə 3 şəhid verdi 25 Avqust 2019, 16:41 Azərbaycan hansı ölkələrə polipropilen və polietilen ixrac edir? - SİYAHI 25 Avqust 2019, 16:10 Homoseksualizmi yayan böyük GÜCLƏR - Onlar gəncləri necə tora salırlar... 25 Avqust 2019, 15:54 Bakıda 50 ədəd kömür kisəsi yanıb   25 Avqust 2019, 15:51 Güclü dolu və leysan yağış Daşkəsəndə fəsadlar yaradıb   25 Avqust 2019, 15:39 Mehriban Əliyevanın təşəbbüsü ilə şəhid ailəsinə ev verildi - FOTO 25 Avqust 2019, 15:20 Bakıda uşaq bağçası yandı 25 Avqust 2019, 15:00 İki minik avtomobili toqquşub, xəsarət alanlar var 25 Avqust 2019, 14:40 Mehriban Əliyevanın çoxşaxəli fəaliyyəti Azərbaycan xalqı, xüsusilə də gənclər tərəfindən böyük rəğbətlə qarşılanır   25 Avqust 2019, 14:31 Neçə nəfər Azərbaycanın "qara siyahı"sına düşüb? 25 Avqust 2019, 14:14 Həftənin ilk iş gününün havası  - Şimşək çaxacaq, yağış yağacaq 25 Avqust 2019, 14:00 Bu gün mənim ad günümdür - İstedadlı aktrisa Vəfa FƏTULLAYEVA haqqında 25 Avqust 2019, 13:43 Azərbaycanda yas mərasimində ev uçdu: yaralılar var 25 Avqust 2019, 13:14 Məşhur kinorejissorun İNTİHARI - Şövkət Ələkbərovanın əri özünü niyə güllələyib... 25 Avqust 2019, 13:01 Ova gedən şəxs birlikdə getdiyi dostunu güllələdi 25 Avqust 2019, 12:40 Naxçıvan Qarnizonunda komanda-qərargah təlimi keçirilib - VİDEO 25 Avqust 2019, 12:23 Biz mütləq qayıdacağıq!!! - Bahar Muradova 25 Avqust 2019, 12:00 Məşhurların övladları: Qabil Hüseynlinin musiqiçi qızı - Mətin pilotun xanımı - DOSYE 25 Avqust 2019, 11:37 ABŞ-da sualtı kitabxana açılıb   25 Avqust 2019, 11:19 Ən təhlükəli qan qrupu açıqlandı 25 Avqust 2019, 11:00 “Hər şeydən bezib yorulmuşdum” - Atasını bıçaqlayan 19 yaşlı Günelin dramı 25 Avqust 2019, 10:47 Oğuzda dağlıq ərazidə meşə yanır - 2 helikopter və təyyarə cəlb edilib   25 Avqust 2019, 10:30 Hacıların sonuncu qrupu bu gün vətənə dönür 25 Avqust 2019, 10:13 Yol polisi sürücülərə və sərnişinlərə sərin su payladı - FOTO 25 Avqust 2019, 10:00 Qubadakı yanğın məhdudlaşdırıldı 25 Avqust 2019, 09:45 Mövqelərimiz atəşə tutuldu 25 Avqust 2019, 09:30 Şəkidə baş vermiş yanğınlar 300 hektara yaxın ərazini əhatə edib   25 Avqust 2019, 09:15 Azərbaycan adından qrant alan qurumlar hesabat verəcək - QƏRAR 25 Avqust 2019, 09:00 Rusiyada azərbaycanlı bloqer SAXLANILDI 25 Avqust 2019, 00:53 Sumqayıtda iki qrup arasında kütləvi dava 25 Avqust 2019, 00:43 Bakıda avtobus iki piyadanı vurdu 25 Avqust 2019, 00:28 Zeynəbin  təhsil haqqı tam ödənildi 25 Avqust 2019, 00:12 Xəzərdə batan 2 nəfər xilas edildi 24 Avqust 2019, 23:57 Fransada etirazçılarla  qarşıdurma 24 Avqust 2019, 23:38