Arxiv
16 Oktyabr 2019, 16:50 | ÖLKƏ
Prezident yeni Dövlət Agentliyi yaratdı - FƏRMAN

Prezident İlham Əliyev Azərbaycan Respublikası Maliyyə Nazirliyinin fəaliyyətinin təkmilləşdirilməsi ilə bağlı tədbirlər haqqında fərman imzalayıb.


Modern.az
-ın məlumatına görə, Fərmanda Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyinin yaradılacağı qeyd edilib.

Fərmamnla Dövlət Borcunun və Maliyyə Öhdəliklərinin İdarə Edilməsi Agentliyi haqqında Əsasnamə təsdiq edilib.


Fərmanda daha sonra bildirilib:

“Azərbaycan Respublikasında bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında” Azərbaycan Respublikası Prezidentinin 2019-cu il 17 yanvar tarixli 479 nömrəli Fərmanının 1-ci hissəsi ilə Azərbaycan Respublikası Maliyyə Nazirliyinin Aparatına verilmiş funksiyalar Azərbaycan Respublikasının Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyi vasitəsilə həyata keçiriləcək.


“Azərbaycan Respublikası Maliyyə Nazirliyinin fəaliyyətinin təkmilləşdirilməsi tədbirləri haqqında” Azərbaycan Respublikası Prezidentinin 2009-cu il 9 fevral tarixli 48 nömrəli Fərmanında (Azərbaycan Respublikasının Qanunvericilik Toplusu, 2009, № 2, maddə 61, № 7, maddə 533, № 10, maddə 780, № 12, maddə 983; 2010, № 2, maddələr 77, 80; 2011, № 2, maddə 85; 2015, № 2, maddə 108, № 9, maddə 988; 2016, № 9, maddə 1479; 2017, № 5, maddə 771, № 6, maddə 1081; 2018, № 1, maddə 47, № 3, maddə 450, № 5, maddə 912, № 12 (I kitab), maddələr 2556, 2572; 2019, № 3, maddə 409, № 5, maddə 834) aşağıdakı dəyişikliklər edilir:


- 7-ci hissə ləğv edilsin;


- həmin Fərmanla təsdiq edilmiş Əlavə I – “Azərbaycan Respublikası Maliyyə Nazirliyinin strukturu”nun 3-cü hissəsində “Azərbaycan Respublikası Maliyyə Nazirliyinin Dövlət Borcunun İdarə Edilməsi Agentliyi” sözləri “Azərbaycan Respublikasının Maliyyə Nazirliyi yanında Dövlət Borcunun və Maliyyə Öhdəliklərinin İdarə Edilməsi Agentliyi” sözləri ilə əvəz edilsin;


- həmin Fərmanla təsdiq edilmiş Əlavə II – “Azərbaycan Respublikasının Maliyyə Nazirliyi haqqında Əsasnamə” üzrə:


4.3.1. 1-ci hissəyə, 7.6-cı, 7.11-ci, 8.2-ci, 8.53-cü, 8.67-ci və 18.5-ci bəndlərə “borcunun” sözündən sonra “və maliyyə öhdəliklərinin” sözləri əlavə edilsin;


4.3.2. 8.30-cu bənd aşağıdakı redaksiyada verilsin:


“8.30. “Dövlət borcu haqqında” Azərbaycan Respublikasının Qanununa uyğun olaraq, dövlət borcalmalarının həyata keçirilməsini, dövlət zəmanətlərinin verilməsini təmin etmək və dövlət borclarının ödənilməsi sahəsində müvafiq tədbirlər həyata keçirmək, habelə Nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyi vasitəsilə dövlət borcunu və maliyyə öhdəliklərini idarə etmək;”;


4.3.3. aşağıdakı məzmunda 8.31-2-ci və 8.31-3-cü bəndlər əlavə edilsin:


“8.31-2. Nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyi vasitəsilə dövlət borcuna və dövlət zəmanəti üzrə yaranmış borca xidmət göstərmək;


8.31-3. ölkə iqtisadiyyatında maliyyə və iqtisadi tarazlığın pozulması təhlükəsi yarandıqda dövlət vəsaiti hesabına ölkənin maliyyə-bank və ödəniş sistemində mühüm rolu olan maliyyə və bank təşkilatlarına, habelə strateji əhəmiyyətli qeyri-maliyyə təsərrüfat subyektlərinə, Azərbaycan Respublikasının Prezidenti ilə razılaşdırmaqla Nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyi vasitəsilə müddətli likvidlik (onlarda müddətli depozitlər yerləşdirmək və ya buraxdığı müddətli borc kağızları almaq) təqdim etmək;”;


- 8.33-cü bəndə “aparılmasını,” sözündən sonra “Dövlət borcu və zəmanəti üzrə öhdəliklərin Təminat Fondu”nun vəsaitinin və” sözləri əlavə edilsin, habelə həmin bənddə “Nazirliyin Dövlət Borcunun İdarə Edilməsi Agentliyi” sözləri “Nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyi” sözləri ilə əvəz edilsin;


- aşağıdakı məzmunda 8.34-1-ci bənd əlavə edilsin:


“8.34-1. Nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyi vasitəsilə xüsusi maliyyələşmə prinsipləri, o cümlədən dövlət-özəl tərəfdaşlığı əsasında həyata keçirilməsi təklif edilən layihələr və təşəbbüslər üzrə dövlətin maliyyə öhdəliklərini hesablamaq, riskləri və onların bölgüsünü qiymətləndirmək, maliyyə təminatına dair rəy vermək və rəylə razılaşmayan tərəflərə onların yuxarı icra hakimiyyəti orqanına müraciət etmə imkanı barədə hüquqlarını izah etmək;”;


- 10-cu hissə aşağıdakı redaksiyada verilsin:


“10. Nazirliyin Aparatı, onun strukturuna daxil olan qurumlar və strukturuna daxil olmayan tabeliyindəki qurumlar (hüquqi şəxslər, təşkilatlar və sair), habelə Naxçıvan Muxtar Respublikasının Maliyyə Nazirliyi Nazirliyin vahid sistemini təşkil edir. Nazirlik öz fəaliyyətini bilavasitə və həmin qurumlar vasitəsilə həyata keçirir;


- 11-ci və 26-cı hissələr ləğv edilsin;


- 18.2-ci bənd aşağıdakı redaksiyada verilsin:


- müəyyən edilmiş struktur, əməkhaqqı fondu və işçilərin say həddi daxilində Nazirliyin Aparatının, yerli və digər qurumlarının strukturunu, ştat cədvəlini və ayrılmış büdcə təxsisatı daxilində onların xərclər smetasını təsdiq edir;”;


- 18.7-ci bəndə “tabeliyində olan digər qurumların” sözlərindən sonra “(Azərbaycan Respublikası Prezidentinin vəzifəyə təyin və vəzifədən azad etdiyi şəxslər istisna olmaqla)” sözləri əlavə edilsin.


Azərbaycan Respublikası Prezidentinin 2017-ci il 3 may tarixli 1361 nömrəli Fərmanı (Azərbaycan Respublikasının Qanunvericilik Toplusu, 2017, № 5, maddə 765, № 9, maddə 1650, № 10, maddə 1789, № 12 (I kitab), maddələr 2314, 2321; 2018, № 1, maddə 54, № 2, maddələr 200, 219, № 3, maddələr 416, 430, 448, № 5, maddələr 916, 919, № 6, maddə 1243, № 9, maddələr 1828, 1840, № 11, maddələr 2274, 2289, № 12 (I kitab), maddələr 2540, 2587, 2601; 2019, № 1, maddə 82, № 2, maddə 216, № 3, maddə 431, № 4, maddə 620, № 5, maddələr 819, 824, 835, 866, № 7, maddə 1221, № 8, maddə 1388) ilə təsdiq edilmiş “Rayon (şəhər) məhkəmələrinin baxdığı inzibati xətalar haqqında işlər üzrə protokol tərtib etmək səlahiyyəti olan vəzifəli şəxslərin Siyahısı”nın 39-1-ci hissəsində “Nazirliyin Dövlət Borcunun İdarə Edilməsi Agentliyinin” sözləri “Nazirlik yanında Dövlət Borcunun və Maliyyə Öhdəliklərinin İdarə Edilməsi Agentliyinin” sözləri ilə əvəz edilir.

BU KATEQORİYADAN OLAN DİGƏR XƏBƏRLƏR
+ Arxiv
Sınaq imtahanının nəticələri nə vaxt açıqlanacaq? 17 Fevral 2020, 18:34 Bu il I sinfə elektron qəbul bütün ölkəni əhatə edəcək - RƏSMİ 17 Fevral 2020, 18:26 Nazirlikdən pensiyaçılara XƏBƏRDARLIQ 17 Fevral 2020, 18:18 Elmar Məmmədyarov Aİ-nin ticarət üzrə komissarı ilə görüşüb 17 Fevral 2020, 18:14 İlham Əliyev-Nikol Paşinyan debatında diqqətdən qaçan MƏQAM 17 Fevral 2020, 18:06 BMU-da pedaqoji təcrübəyə göndərilən tələbələrlə görüş keçirilib 17 Fevral 2020, 18:00 Çempionlar Liqası üçün yeni mükafat təsis olundu 17 Fevral 2020, 17:55 Ölkədə ilk dəfə olaraq UNEC-də distant formada tədrisə başlanılıb - FOTO 17 Fevral 2020, 17:50 Məzahir Pənahov şikayətlərin sayını AÇIQLADI 17 Fevral 2020, 17:44 İmamverdi İsmayılovun lider olduğu dairədə nəticələr dəyişmədi 17 Fevral 2020, 17:40 Prezident Hacıqabula 4.9 milyon manat ayırdı 17 Fevral 2020, 17:37 Bakcell beynəlxalq konfransın keçirilməsinə dəstək göstərdi - FOTO 17 Fevral 2020, 17:31 Natiq Cəfərlinin müraciəti geri qaytarıldı 17 Fevral 2020, 17:26 “Çalışın bizim fəaliyyətimizi şübhə altına almayın” - Məzahir Pənahov 17 Fevral 2020, 17:20 “Yüksəliş” müsabiqəsinin ilk onlayn imtahanı keçirilib 17 Fevral 2020, 17:14 Ləman Ələşrəfqızı ilə Afət Telmanqızı “REAL”dan getmə səbəblərini AÇIQLADILAR 17 Fevral 2020, 17:08 Xocalıdan olan qız 16 il sonra anasının öldürülmüş fotosunu gördüyünə sevinib - DƏHŞƏT     17 Fevral 2020, 17:03 Rusiya məhkəməsi Azərbaycan vətəndaşına 11,5 il iş kəsdi 17 Fevral 2020, 16:58 Məzahir Pənahov 385 videogörüntünü araşdırır 17 Fevral 2020, 16:53 MSK Mixail Zabelinin lider olduğu dairənin 7 məntəqəsini ləğv ETDİ 17 Fevral 2020, 16:47 Xocalıya görə BMT-yə müraciət olunubmu? Tofiq Zülfüqarovla Elman Məmmədov biri-birini təkzib etdi   17 Fevral 2020, 16:40 Kürdəxanıda məcburi köçkünlərə pulsuz hüquqi yardım göstərilib - FOTO 17 Fevral 2020, 16:34 MSK bu dairələrdən daxil olan şikayətlərə BAXMADI 17 Fevral 2020, 16:28 Bəzi dairələrdən şikayətlər DSK-lara göndərildi 17 Fevral 2020, 16:22 Bu küçədə hərəkət məhdudlaşdırılacaq 17 Fevral 2020, 16:21 Elazığda növbəti ZƏLZƏLƏ 17 Fevral 2020, 16:20 Faiq Ağayev  “Tarqovı”da dalaşan gəncləri ayırdı - Video 17 Fevral 2020, 16:17 80 il Bakıya sərasər xidmət etmiş tramvaylar: “Keçmişdə və İndi”- FOTOLAYİHƏ   17 Fevral 2020, 16:15 “Övladını xəstələnməkdən qorumaq istəyən, peyvənd vurdurmalıdır” 17 Fevral 2020, 16:11 MSK-nın gərgin iclası başladı - Müzakirələr gedir! 17 Fevral 2020, 16:05 Fransada yaşayan soydaşımız Dünya çempionatına vəsiqə qazandı   17 Fevral 2020, 15:59 “REAL” TV Ləman Ələşrəfqızı ilə yollarını ayırdı 17 Fevral 2020, 15:52 Məhkumluğu olan şəxslər hansı sahələrdə çalışa bilməz? – Ekspertlər CAVABLADI 17 Fevral 2020, 15:50 Koronavirus şübhəsi ilə bağlı xəstəxanada qalan 2 nəfər evə buraxıldı 17 Fevral 2020, 15:45 DSMF-nin yeni idarələri yaradıldı 17 Fevral 2020, 15:39