“Sədərək” Ticarət Mərkəzində qeydə alınan yanğın söndürülüb.
Nazirlikdən Modern.az-a verilən məlumata görə, hazırda fövqəladə hallar nazirinin müavini general-leytenant Etibar Mirzəyev hadisə yerindədir.
Rəsmi məlumata görə, Fövqəladə Hallar Nazirliyinin “112” qaynar telefon xəttinə, Bakı şəhərinin Qaradağ rayonu, Lökbatan qəsəbəsində yerləşən "Sədərək" Ticarət Mərkəzində yanğın baş verməsi barədə məlumat daxil olub:
“Dərhal Nazirliyin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub”.
İlkin məlumata görə, yanğın nəticəsində 60 mağaza yanıb.
