Modern.az

Gələn il ipoteka kreditləşməsinə ayrılacaq vəsaitin məbləği məlum olub

Gələn il ipoteka kreditləşməsinə ayrılacaq vəsaitin məbləği məlum olub

Ölkə

28 Oktyabr 2009, 17:30

Azərbaycan İpoteka Fondunun xətti ilə ölkədə verilən ipoteka kreditlərinin ümumi məbləği artıq 132 milyon manatı keçib. 2005-2009-cu illərdə Dövlət büdcəsindən İpoteka Fonduna 72,4 milyon manat vəsait ayrılıb. Modern.az-a verilən məlumatda gələn il üçün sosial ipoteka kreditləşməsinə nə qədər vəsaitin xərclənəcəyi bildirilib.

İpoteka Fondunun məlumatına görə, ipoteka kreditləşməsinin bərpa olunduğu 1 iyun 2009-cu il tarixindən oktyabr ayınadək 1100 nəfərə yaxın vətəndaşa ümumi həcmi 47 milyon manat təşkil edən ipoteka krediti verilib. Ümumilikdə 2006-cı ilin mart ayından indiyədək 3150-dən çox ailə ipoteka kreditləri hesabına öz yaşayış-mənzil şəraitinin yaxşılaşdırılmasına və sosial ehtiyaclarının ödənilməsinə nail olub.

Modern.az dəqiqləşdirib ki, hazırda Milli Məclisdə olan 2010-cu ilin büdcə layihəsində əhalinin mənzil şəraitinin yaxşılaşdırılması istiqamətində qəbul edilmiş “İpoteka haqqında” qanunun tətbiqi ilə əlaqədar sosial ipoteka üçün 14 milyon manat vəsait ayrılması nəzərdə tutulub.

Qeyd edək ki, 2009-cu ilin də dövlət büdcəsindən ipoteka kreditləşməsi üçün 14 milyon manat ayrılmışdı və bu vəsaitin hamısı sosial ipoteka kreditlərinin maliyyələşdirilməsinə yönəldilib.

 

Facebook
Dəqiq xəbəri bizdən alın!
Keçid et
Ukrayna Krım körpüsünü vurdu - Hərəkət iflic oldu