Təhsil Nazirliyinin məlumatına görə, son ilər Azərbaycanda orta məktəb müəllimlərinin sayında azalma baş verib. Nazirliyin statistikasına görə, 2008-2009-cu dərs ilində - 163 min 226, 2009-2010-cu dərs ilində 160 min 161, 2010-2011-cu dərs ilində 159 min 461 müəllim qeydə alınıb.
Hazırda ölkədəki 4522 dövlət ümumtəhsil müəssisəsində 1 milyon 321 min 091 şagird oxuyur, həmin müəssisələrdə pedaqoji heyət üzvlərinin sayı 159 min 461 nəfərdir.
2010-2011-ci tədris ilində məktəbəqədər müəssisələrin sayı 1624-dür. Bağçalarda tərbiyə alan uşaqların say 107 min 954 nəfər təşkil edir.
Hazırda ölkə üzrə məktəbəqədər təhsillə əhatə səviyyəsi 16,5 faizdir.
Modern.az
