Səhiyyə Nazirliyinin 05.07.2009-cu il tarixli 60 saylı əmrinə əsasən, hazırda Sumqayıt şəhər Dezinfeksiya Stansiyası şəhərdə kütləvi dezinfeksiya işləri aparır. Bu barədə Modern.az-a Sumqayıt şəhər Dezinfeksiya Stansiyasından məlumat verilib.
Belə ki, şəhərdə mövcud olan bütün yataqxanalarda, ümumtəhsil məktəblərində, uşaq məktəbəqədər müəssisələrində kütləvi dezinfeksiya, dezenseksiya və deratizasiya işlərini həyata keçirir. Bundan əlavə stansiya tərəfindən dezinfeksiyaedici məhlulların qatılığının uyğunluğunu təyin etmək məqsədilə dezinfeksiyaedici məhlul nümunələri kimyəvi təhlildən keçirilir.
Qeyd edək ki, bu ilin 9 ayı ərzində ümumilikdə dеzinfеksiya kamеrasında 2566 kq yataq və gеyim ləvazimatları zərərsizləşdirilib və kamеra dеzinfеksiyası 71% təşkil еdib.
