Rusiyanın Monteneqrodakı səfirliyi sahibkar Telman İsmayılova sığınacaq verilməsi haqqında qərarın ləğvi ilə bağlı qarşı tərəfə müraciət təqdim edib.
Modern.az “RİA Novosti”yə istinadən xəbər verir ki, bu barədə Podqorisdəki səfirlikdən bildiriblər.
Məlumata görə, Rusiya Baş Prokurorluğu Monteneqronun Daxili İşlər və Ədliyyə nazirliklərinə Telman İsmayılova siyasi sığınacaq verilməsi barədə qərarın ləğvi haqqında vəsatətlə müraciət edib.
Xatırladaq ki, Rusiya Telman İsmayılov və qardaşı Vaqif barəsində beynəlxalq axtarış elan edib. O, qətldə və qanunsuz silah alverində ittiham olunur.
