Stalin cəlladları tərəfindən repressiya illərində öldürülmüş günahsız insanlara aid 3,5 ton sümük-qalıq aşkar olunub. Modern.az rus mətbuatına istinadən xəbər verir ki, Vladivostokda Stalinin gizli repressiv aparatı - NKVD tərəfindən qətlə yetirilmiş 495 insanın cəsədi tapılıb. Rus mətbuatının yazdığına görə, ötən ay aşkar edilmiş toplu məzarlıq üzə çıxarılıb. Odlu silahla ən yaxın məsafədən güllələnmiş insanların yaşları 25-30-dur. Rəsmi orqanlar onların Stalin repressiyasının qurbanları olduqlarını təsdiqləyib. Ekspertlər qeyd edir ki, qurbanlar 9 mm kalibrli tapança ilə yaxın məsafədən vurulub. NKVD cəlladları qurbanları dizləri üstə çökdürdükdən sonra onları ənsələrinə atəş açaraq öldürüb. Qurbanların yeni məzarlığa köçürülməsi və dəfni üzrə işlərə başlanılıb.
Modern.az
