Bazarlarda mənşəyi bəlli olmayan turşu məhsulları satılır
Respublika Gigiyena və Epidemiologiya Mərkəzi paytaxt bazarlarında satışa çıxarılan turşu məhsullarının yoxlanılması ilə bağlı reydlərə başlayıb.
Süfrələrə xüsusi yaraşıq verən bu məhsulların hazırlanmasında hər hansı kiçik bir nöqsan insan həyatına son qoya bilər. Qarşıdan turşu mövsümünün gəldiyini də nəzərə alsaq, bu sahədə olan problemlərin ciddiliyi haqında düşünməyə dəyər.
Respublika Gigiyena və Epidemiologiya Mərkəzinin şöbə müdiri Ziyəddin Kazımov Modern.az saytına acıqlamasında bildirib ki, reydlər zamanı ciddi nöqsanlar aşkarlanıb. “Azərbaycan bazarlarında satışa çıxarılan turşu məhsullarının hazırlanması texniki baxımdan standartlara cavab vermir. Satışa çıxarılan məhsulların mənşəyi məlum deyil, evdə kustar üsulla istehsal olunur, hər hansı bir sənədləri də yoxdur”.
Modern.az
