Martın 20-21-də Ermənistanın paytaxtı Yerevanda “NATO və Cənubi Qafqaz: Regional təhlükəsizliyə strateji yanaşma” adlı beynəlxalq konfrans keçiriləcək. Modern.az xəbər verir ki, bu barədə erməni mətbuatı məlumat yayıb. Məlumata görə tədbirdə Cənubi Qafqaz regionunda təhlükəsizlik məsələləri fonunda baş verən proseslər müzakirəyə çıxarılacaq. Bununla yanaşı Avroatlantik məkana inteqrasiya, Avropa ilə əməkdaşlıq, region dövlətlərinin inkişafının perspektivləri barədə də söz açılacaq. Tədbirə Azərbaycandan, İrandan, Türkiyədən , Rusiyadan və bir neçə Avropa dövlətindən ekspertlər də dəvət olunacaq. Amma həmin şəxslərin adları hələlik açıqlanmayıb.
Qeyd edək ki, sözügedən beynəlxalq konfransa NATO-nun sponsorluq edəcəyi bildirilir.
Aqşin Kərimov
