Türkiyədə “Ergenekon” prosesləri ilə bağlı istintaq materialları yayımlanıb. Modern.az Türkiyə mətbuatına istinadən xəbər verir ki, 16 min 600 səhifədən ibarət qərarın mətni Milli Mühakimə Şəbəkəsi tərəfindən yayımlanıb. Qərarda “Ergenekon”un silahlı terror təşkilatı olduğu vurğulanıb. “Fərqli adlar olmasına baxmayaraq “Ergenekon” terror təşkilatının silahlı mübarizə apardığı təsbit edilib”-deyə qərarda bildirilir.
Məlumata görə sözügedən təşkilatın əsas hədəfləri Türkiyənin keçmiş baş naziri Bülənt Əcəvit hökuməti ilə Abdulla Gül və Rəcəb Tayyib Ərdoğan iqtidarı olub. Qeyd edək ki, “Ergenekon”un 2000-ci ildən Türkiyədə silahlı mübarizə aparması iddia olunur. “Ergenenokon” əməliyyatları zamanı ordu generalları həbs olunmuşdu. Bu yaxınlarda isə Türkiyə məhkəmələrinin qərarı ilə onların çoxu azadlığa çıxıb.
Aqşin Kərimov
