Mayın 17-də İspaniya çempionu titulu uğrunda keçirilən əsas oyunda "Barselona" və "Atletiko" (Madrid) qarşılaşıblar. Modern.az saytı xəbər verir ki, Barselonanın "Nou Kamp" stadionundakı oyunda "Atletiko"nu bir xal da qane edirdi. "Barselona" isə çempion olmaq üçün mütləq qələbə qazanmalı idi.
Oyunda hesabı 33-cü dəqiqədə Sançes açaraq "barsa"nı irəli çıxarıb. Oyunun 49-cu dəqiqəsində "Atletiko" Godinin vurduğu qol ilə hesabı bərabərləşdirib (1-1).
Qaşılaşma 1:1 hesabı ilə başa çatıb. Beləliklə, "Land of fire Azerbaijan" formalı "Atletiko" La Liqada çempionluğunu elan edib. Madrid klubunun son olaraq 18 il əvvəl - 1996-cı ildə çempion olmuşdu.
Modern.az
