Rusiya hüquq-mühafizə orqanları Moskvanın Rublyovski şossesindəki yaşayış binasının 10-cu mərtəbəsindəki mənzilin pəncərəsindən özünü atan oğlanın atasının kim olduğunu müəyyənləşdirib. Modern.az saytı Rusiya KİV-lərinə istinadən xəbər verir ki, o, Tula vilayətində qeydiyyatda olan 36 yaşlı Azərbaycan vətəndaşıdır. Oğlanın atası saxlanılıb və ona qarşı cinayət işi açılıb. Oğlunu özünü öldürmə həddinə çatdırmada təqsirli bilinən ata 5 il azadlıqdan məhrum oluna bilər. Hadisə oktyabrın 23-də baş verib. Məlumatda qeyd edilir ki, atasının danladığı 10 yaşlı oğlu bundan sonra intihar etmək qərarına gəlib.
Modern.az
