SSRİ Kommunist Partiyası Mərkəzi Komitəsinin keçmiş birinci katibi Nikita Xruşşovun tərcüməçisi Viktor Suxodrev dünyasını dəyişib. Modern.az Rusiya mətbuatına istinadən bildirir ki, bu haqda 82 yaşlı tanınmış tərcüməçinin oğlu Aleksandr Lipnitski məlumat verib. Suxodrev şəxsən özü Nikita Xruşşovun, Leonid Brejnevin çıxışlarını tərcümə edib, hətta Mixail Qorbaçev və Aleksey Kosıginlə də işləyib. 30 ildən çox ölkənin birinci şəxsləri ilə işləyən Viktor Mixayloviçin həmkarlarının sözlərinə görə, onun tərcüməsində Sovet İttifaqı rəhbərlərinin daha təhsilli, xeyirxah, daha doğrusu, daha ağıllı olduqları haqda təəssürat yaranırmış.
