Son sutka ərzində Pakistanda COVID-19 koronavirusuna 3 min 191 nəfər yoluxub. Bununla da ölkədə virusa yoluxanların sayı 228 min 474 nəfərə çatıb.
Modern.az ölkənin Səhiyyə Nazirliyinə istinadla xəbər verir ki, son 24 saatda bu xəstəliyə yoluxan 92 xəstə həyatını itirib.
Ümumilikdə isə vəfat edənlərin sayı 4 min 712 nəfərə çatıb.
Qeyd olunur ki, son gündə ölkədə 4 min 736 nəfər evə yazılıb və sağalanların sayı 129 min 830 nəfər olub.
Ölkənin xəstəxanalarında 93 min 937 xəstə olduğu bildirilir, 2 min 419 virus daşıyıcısının vəziyyəti kritikdir.
